اردوغان: سایین پوتینین حاقلی اولدوغو بیر مسئله وار
"بیر طرفدن بو تحریملر داوام ائدرکن بو تحریملر قارشیسیندا قالخیب دا بو تحریملری قویان اؤلکهلره تاخیل گؤندریمینین اولماسی سایین پوتینی ده راحاتسیز ائتمکدهدیر"
جمهورباشقانی رجب طیب اردوغان، روسیا جمهورباشقانی ولادیمیر پوتینین تاخیل داشینماسیندا حاقلی اولدوغو مسئلهلر اولدوغونو بیلدیردی.
جمهورباشقانی اردوغان، باشاباش و هیئتلرآراسی گؤروشمهلردن سونرا سفرده اولدوغو کروواسینین باشکندی زاگربده قونومداشی زوران میلانوویچ ایله اورتاق مطبوعات توپلانتیسی تشکیل ائتدی.
گؤروشمهلرده ایکیلی ایلیشکیلری بوتون یؤنلری ایله موذاکیره ائتدیکلرینی بیلدیرهن اردوغان، بؤلگهدهکی گلیشمهلر و ۲۴ فوریهده باشلایان روسیا-اوکراینا ساواشی ایله باغلی فیکیر آلیش وئریشی ائتدیکلرینیی بیلدیردی.
اوکراینا لیمانلاریندان تاخیل داشیمالارینا دا توخونان اردوغان، هلهلیک روسیادان گؤندریم اولمادیغینی آنجاق تورکیهنین روسیادان دا تاخیل گؤندریمینین باشلاماسینی ایستهدیگینی بیلدیریدی.
روسیا دؤولت باشقانی پوتینین تاخیل داشینماسی ایله باغلی بیر مسئلهده حاقلی اولدوغونو وورغولایان اردوغان:
"بو تاخیل داشینماسی ایله گلن تاخیللار تأسف کی، وارسیل اؤلکهلره گئدیر. یوخسول اؤلکهلره یوخ. بونون اساس قونوسو ندیر؟ یوخسول اؤلکهلره بورادان بو تاخیل داشینماسینی داوام ائتدیرمکدیر. ایندی بیر طرفدن بو تحریملر داوام ائدرکن بو تحریملر قارشیسیندا قالخیب دا بو تحریملری قویان اؤلکهلره تاخیل گؤندریمینین اولماسی سایین پوتینی ده راحاتسیز ائتمکدهدیر" دئدی.
بونون آشیلماسی اوچون اؤزبکیستانین سمرقند شهرینده (۱۵-۱۶ سپتامبر) گئچیریلهجک شانگهای امکداشلیق تشکیلاتینین ذیروهسینده پوتینله بو مسئلهلری موذاکیره ائدجکلرینی بیلدیرهن جمهورباشقانی:
"اومود ائدیریک کی، روسیادان داشینما باشلاداق و بو تاخیلی گئرچکدن یوخسول اولان اؤلکهلره ده چاتدیراق" دئدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی