جمهور باشقانی اردوغان صربیستان-دا گؤروش‌لر کئچیریر
جمهور باشقانی رجب طیب اردوغان بالکان اؤلکه‌لرینه سفری‌نین ایکینجی دایاناجاغی اولان صربیستان-ین پایتاختی بلگراددا‌دیر.
جمهور باشقانی رجب طیب اردوغان بالکان اؤلکه‌لرینه سفری‌نین ایکینجی دایاناجاغی اولان صربیستان-ین پایتاختی بلگراددا‌دیر.
جمهور باشقانی اردوغانی بلگرادین نیکولا تسلا اولوسلار آراسی هاوا لیمانیندا صربیستان پرزیدنتی آلکساندر ووچیچ، صربیستان-ین آنکارا‌داکی سفیری زوران مارکوویچ، تورکیه-نین بلگرادداکی سفیری حامی آکسوی ، نووی پازارداکی باش کونسول باشار باشول و دیپلوماتیک نوماینده‌لر قارشیلاییب‌لار.
تکبتک گؤروش‌دن اول اردوغان و ووچیچ ایکی طرف‌لی علاقه‌لری و امکداش‌لیغی وورغولاییب‌لار.
جمهور باشقانی اردوغان اؤتن آی صربیستان-دا کئچیریلن پرزیدنت سئچکی‌لری‌نین اؤلکه اوچون خیرلی اولماسینی آرزولاییب.
ایکی اؤلکه آراسیندا تیجارت حجمی‌نین گونو-گون‌دن آرتدیغینی بیلدیرن جمهور باشقانی اردوغان دئییب:
"بیز ایستر سیاسی، ایستر حربی، ایستر اقتصادی، ایسترسه ده مدنی ساحه‌ده هر ساحه‌ده هم راییک. صربیستان، دئمک اولار کی، بالکان‌لارین میهنگ داشی‌دیر. اونا گؤره ده علاقه‌لریمیز گونو-گون‌دن گوجلنمکده داوام ائدیر. حاضیردا ایکی اؤلکه آراسینداکی تیجارت حجمی 2 میلیارد دو‌لارا چاتیب. بونو آرتیرماق یول‌لارینا باخاجاغیق".
صربیستان پرزیدنتی ووچیچ ده اؤلکه‌سی ایله تورکیه آراسیندا علاقه‌لرین یاخشی و اینکیشاف ائتدیگینی، ایکی طرف‌لی تیجارت حجمی‌نین دورما‌دان آرتدیغینی بیلدیریب.
تورکیه یاتیریم لارینین دورما‌دان آرتدیغینی قئید ائدن ووچیچ بولگه اؤلکه‌لری ایله یاخشی علاقه‌لر قوردوق‌لارینی وورغولاییب.
داها سونرا باش توتان تکبتک گؤروش مطبوعاتا قاپالی کئچیریلیب.
نوماینده هئیت‌لری آراسینداکی گؤروش‌دن سونرا موختلیف ساحه‌لرده امکداش‌لیق موقاویله‌لری‌نین ایمضالاناجاغی مراسیمدن سونرا اردوغان و ووچیچ بیرگه مطبوعات کنفرانسینا قاتیلا‌جاق.
