جمهور باشقانی اردوغان صاباح بالکان اؤلکهلرینه سفر ائدهجک
جمهور باشقانی رجب طیب اردوغان بالکان یاریم آداسینین 3 اؤلکهسینه - بوسنیا و هرزگوینا، صربیستان و کرواسی-یه سفر ائدهجک.
جمهور باشقانی رجب طیب اردوغان سپتامبرین 6-دا بوسنیا و هرزگوینا، صربیستان و کرواسی-نین داخیل اولدوغو بالکان اؤلکهلرینه سفره چیخیر.
6-8 سپتامبر تاریخلری آراسیندا رئاللاشاجاق سفرلرین گوندهلیگی؛ ایکی طرفلی علاقهلر، بولگه سل باریش و ثابتلیک و تیجارت حجمینین آرتیریلماسی ایستیقامتینده آتیلان آددیملار اولاجاق.
ایلک دایاناجاق بوسنیا و هرزگوینا اولاجاق. اوولکی سفرلرده اولدوغو کیمی اردوغانین پرزیدنت شوراسینین 3 عضوو ایله گؤروشو گؤزلهنیلیر.
گؤروشلرده تورکیه-نین بالکانلاردا باریشین داوام ائتدیریلمهسینه هر جور تحفه وئرمهیه داوام ائدجگی مئساژی وئریلهجک.
جمهور باشقانی اردوغانین بالکان تورونون دیگر موهوم گوندم مؤوضوعسو اقتصادیات اولاجاق. بولگه اؤلکهلری ایله علاقهلرین یاخشیلاشدیریلماسی ایستیقامتینده آتیلاجاق آددیملار قیمتلندیریلهجک.
ایکی طرفلی و نوماینده هئیتلری آراسی گؤروشلر کئچیریلهجک. اردوغانین سفری زامانی مهم ایکی طرفلی سازیشلرین ایمضالانماسی دا نظرده توتولور.
جمهور باشقانی اردوغانی اوچ اؤلکهیه سفری زامانی ایش آداملاریندان عبارت بؤیوک بیر هئیت همراهلیق ائدهجک.
قارشیلیقلی یاتیریم لارین و تیجارت حجمینین آرتیریلماسی اوچون آتیلاجاق آددیملار موذاکیره اولوناجاق.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی