تۆرکیه، یئنه ان چوخ اینسانی یاردیم ائدن اؤلکه اولدو

تۆرکیه، ۲۰۲۱ده عمومی میللی محصولونا گؤره ان چوخ اینسانی یاردیم گؤستره‌ن اؤلکه سیرالاماسیندا بیرینجیلیگینی قورودو.

اینگیلتره مرکزلی "دوولوپمنت اینیشیتوس" طرفیندن حاضرلانان کۆره‌سل اینسانی یاردیم ۲۰۲۲ راپورونا گؤره، آمریکا، ۹ میلیارد ۷۶۸ میلیون دلارلیق اینسانی یاردیم ائدرک، میقدار یاخیمیندان لیستین باشیندا ایکن، تۆرکیه ایسه ایکینجی سیرادا یئر آلدی.

آنجاق، تۆرکیه، ۵ میلیارد ۵۸۷ میلیون دلارلا عمومی میللی محصولونا گؤره ان چوخ اینسانی یاردیم ائد‌ن اؤلکه اولدو.

تۆرکیه میقدار باخیمیندان ۲۰۱۳، ۲۰۱۴ و ۲۰۱۵.جی ایللرده لیستده اوچونجو، ۲۰۱۶ و ۲۰۲۰.جی ایللرده ایکینجی، ۲۰۱۷، ۲۰۱۸ و ۲۰۱۹.جو ایللرده ایسه بیرینجی سیرادا یئر آلدی.

تۆرکیه ۲۰۲۰.جی ایلده ده عمومی میللی محصولونا گؤره، ان چوخ یاردیم گؤستره‌ن اؤلکه اولدو.

راپوردا تۆرکیه‌نین اؤز تورپاقلاریندا قوناق ائتدیگی سوریه‌لی سیغینماچیلارا اینسانی یاردیملارینین سیرالامایا داخیل ائدیلمه‌دیگی آچیقلاندی.

۲۰۲۱.جی ایلده ان چوخ اینسانی یاردیم آلان اؤلکه‌لر یمن، سوریه، فیلیسطین، افغانیستان، اتیوپی و گونئی سودان اولدو.