تۆرکیه ایله اسرائیل آراسیندا آنلاشما
"آنلاشما، ایکی اؤلکه آراسینداکی ایلیشکیلرین گلیشدیریلمه‌سینده اؤنملی بیر دؤنوم نقطه‌سیدیر"
تۆرکیه ایله اسرائیل آراسیندا، اسرائیل هاوا یوللارینین تۆرکیه‌یه اوچوشلارینا یئنیدن باشلاماسینا ایجازه وئره‌ن اؤن آنلاشما ایمضالاندی.
اسرائیل باشباخالیغی مطبوعات دفتریندن وئریله‌ن یازیلی آچیقلامادا، ایکی اؤلکه آراسیندا، اسرائیل هاوا یوللارینین تۆرکیه‌یه اوچوشلارینا یئنیدن باشلاماسینا ایمکان وئره‌جک اؤن آنلاشمانین ایمضالاندیغی بیلدیریلدی.
"ایکی اؤلکه آراسینداکی ایلیشکیلرین گلیشدیریلمه‌سینده اؤنملی بیر دؤنوم نقطه‌سی" اولدوغونا ایشاره ائدیلن آنلاشمانین، سون هفته‌لرده حیاتا کئچیریلن "آچیق و مثبت دانیشیقلاردان سونرا اسرائیل و تۆرکیه‌نین مولکی هاواچیلیق اورگانلارینین یؤنه‌تیچلری طرفیندن ایمضالاندیغی بیلدیریلدی.
آچیقلامادا، آنلاشمانین، اسرائیلین باشباخانی یائیر لاپیدین ۲۳ ژوئنده خاریجی ایشلر باخانی ایکن آنکارایا سفرینده تۆرکیه‌نین خاریجی ایشلرباخانی مؤولود چاووش‌اوغلو ایله آنلاشمایا واریلدیقدان سونرا حیاتا گئچیریلدیگی بیلدیریلدی.
آنلاشمانین، "ایکی اؤلکه آراسینداکی ایلیشکیلری گئنیشلتمه و گلیشدیرمه ایله باغلی قرارین بیر پارچاسینی تشکیل ائتدیگی" وورغولانان آچیقلامادا،
"اؤن آنلاشما، اسرائیل هاوا یوللارینین تۆرکیه‌یه اوچوشلارینا یئنیدن باشلاماسینا ایمکان وئرمه‌سی گؤزلنن هاواچیلیق آنلاشما‌سینین نهایی اولاراق ایمضالانماسینا گئدن یولدا اؤنملی بیر مرحله‌دیر" ایفاده‌لرینه یئر وئریلدی.
