تورکیه ایله سعودی عربیستاندان اورتاق بیلدیری
"گؤروشمهلرده سیاسی، اقتصادی، حربی و گوونلیک داخیل ایکیلی ایلیشکیلرده یئنی بیر امکداشلیق دؤنمینین باشلانماسینا دایر قرارلیلیق وورغولاندی"
جمهورباشقانی رجب طیب اردوغانین رسمی گؤروشمهلر اوچون تورکیهده اولان سعودی عربیستانین ولیعهدی محمد بن سلمان ایله باشا باش گؤروشمهسیندن سونرا ایکی اؤلکهنین ایمضاسی ایله اورتاق بیلدیری یاییملاندی.
تورکیه-سعودی عربیستان اورتاق بیلدیریسینده،
"گؤروشمهلرده سیاسی، اقتصادی، حربی و گوونلیک داخیل ایکیلی ایلیشکیلرده یئنی بیر امکداشلیق دؤنمینین باشلانماسینا دایر قرارلیلیق وورغولاندی" ایفادهسی ایشلهدیلدی.
طرفلرین، بؤلگهنین گلهجگینه خیدمت ائتمک اوچون تاریخی قارداشلیق اساسیندا امکداشلیغی گلیشدیررک داوام ائتدیرمه قرارلیلیغینی وورغولادیغی بیلدیریلن اورتاق بیلدیریده، تیجارتین آسانلاشدیریلماسی، یاتیریم ایمکانلارینین آراشدیریلماسی، ملموس اورتاقلیقلارا چئوریلمهسی اوچون ارتباطین آرتیریلاماسینین دانیشیلدیغی بیلدیریلدی.
اورتاق بیلدیریده، عدلی، علمی، توریستیک، ساغلیق، اؤزل هاواچیلیق، اولوسال گوونلیک، انرژی و ایقلیم دییشیکلیگی ایله موباریزه ساحهلرینده ده امکداشلیق عزمی وورغولاندی.
ولیعهد محمد بن سلمان، جمهورباشقانی رجب طیب اردوغانین "نزاکتلی ائو صاحیبلیگیندن وسفر زامانی اونا و هیئتینه گؤستریلن یاخینلیق و محبتدن اؤترو" تشکورونو دیله گتیردی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"