تورکیه، فینلاندیا و سوئد آراسیندا ناتو دانیشیق‌لاری بو گون ده داوام ائده‌جک
کالین و اؤنالین رهبرلیک ائتدیگی نوماینده هئیتی هم صحبت لری ایله سوئد و فینلاندیانین عضولوک مسئله‌سینی موذاکیره ائده‌جک.
پرزیدنتین مطبوعات کاتیبی ابراهیم کالین و خاریجی ایشلر ناظیری‌نین معاوینی صدات اؤنالین باشچی‌لیق ائتدیگی نوماینده هئیتی بلژیک-ین پایتاختی بروکسل-ده سفرده‌دیر.
کالین و اؤنالین رهبرلیک ائتدیگی نوماینده هئیتی هم صحبت لری ایله سوئد و فینلاندیانین عضولوک مسئله‌سینی موذاکیره ائده‌جک.
بؤلوجو ترور تشکیلاتی پ.کا.کا-نین سوریه-ده‌کی قولو ی.پ.گ ایله باغلی ایکی اؤلکه‌نین کونکرت آددیم‌لار آتاجاغی گؤزلنتی‌لری بیر داها گوندمه گتیریله‌جک.
می‌ین 25-ده پایتاخت آنکارادا کئچیریلن گؤروش‌دن سونرا طرف‌لر آراسیندا گؤزلنتی‌لرله باغلی بیر سیرا سندلر گؤندریلیب. بروکسل-ده کئچیریله‌جک گؤروشده همین سندلر موذاکیره اولونا‌جاق.
خاطیرلاداق کی، تورکیه سوئد و فینلاندیانین عضو‌لوگونه مثبت باخمیر، ترور تشکیلات‌لارینا ائو صاحیب‌لیگی ائدن اؤلکه‌لرین تهلوکه‌سیزلیک تشکیلاتی اولان ناتو-یا داخیل ائدیلمه‌مه‌سی لازیم اولدوغونو بیلدیریر.
فینلاندیا جمهور باشقانلیغی‌نین توییتر حسابیندان ائدیلن پای‌لاشیمدا فینلاندیا، سوئد و تورکیه آراسیندا رسمی دانیشیق‌لارین بو گون (20 ژوئن) بلژیک-ین پایتاختی بروکسل-ده داوام ائدجگی بیلدیریلیب.
سوئد-ین رسمی خبر آژانسی تت-یه دانیشان ناتو نوماینده‌سی بیلدیریب کی، ناتو-نون باش کاتیبی ینس استولتنبرگ‌ین دعوتی ایله ناتو-نون یوکسک سویه‌لی رسمی‌لری ایله تورکیه، فینلاندیا و سوئد-ین یوکسک سویه‌لی نوماینده‌لری بروکسل-ده‌کی قرارگاهدا گؤروشه‌جک.
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
