تۆرکیهدن آلمانیایا تپکی
"آلمانیانی، ایکی متفیق آراسینداکی آنلاشمازلیقلاردا طرف توتماماغا، باشقا اؤلکهلرین حقوقسوزلوغونا آلت اولماماغا، آیریجا صلاحیتی و مسئولیتی اولمایان ساحهلر و قونولاردا یانلی یوروم وئرمهمهیه بیر کز داها دعوت ائدیریک"
![تۆرکیهدن آلمانیایا تپکی](http://cdn.trt.net.tr/images/xlarge/rectangle/7b0a/f15b/203a/617167e3713cd.jpg?time=1718338699)
تۆرکیهدن آلمانیا خاریجی ایشلر باخانلیغی سؤزچوسو کریستوفر بورگره 'یونانیستان' تپکیسی...
خاریجی ایشلر باخانلیغی سؤزچوسو تانژو بیلگیچ، آلمانیا خاریجی ایشلر باخانلیغی مطبوعات سؤزچوسونون یونانیستانی حمایه ائدن و تۆرکیهنی هدف آلان آچیقلاماسینا سرت تپکی وئردی.
بیلگیچ، آلمانیالی سؤزچونون دۆنن مطبوعات توپلانتیسیندا یونانیستانین حقوق دیشی ادعالارینا دایانان و تۆرکیهیه قارشی صرف ائتدیگی سؤزلرین تأسف وئریجی اولدوغونو بیلدیردی.
تانژو بیلگیچ، مؤوضوع ایله باغلی آچیقلاماسیندا بو ایفادهلری ایشلتدی:
"آلمانیالی سؤزچونون اؤلکهمیزین هاوا ساحهسینی پوزان، تورپاغیمیز اۆزرینده اوچوشلار حیاتا گئچیرهن و اوچاقلاریمیزا ساتاشان طرف یونانیستان اولماسینا باخمایاراق، اؤلکهمیزه اساسسیز ادعالار یؤنهلتمهسی قبول ائدیلمزدیر.
آلمانیالی سؤزچویه ایکیلی و ناتو بنیهسیندهکی گۆون آرتیریجی اؤنلملر توپلانتیلارینا ائدیلن دعوتلره باخمایاراق بیر ایلدیر اجابت ائتمهین و اژه دنیزینده یاشانان سون گرگینلیگی بهانه ائدهرک بو توپلانتیلاری دوندوردوغونو آچیقلایان طرفین تۆرکیه اولمادیغینی خاطیرلاتماق ایستهریک.
دیالوگ و گرگینلیگین آزالدیلماسی اوچون چابا گؤستردیگینی ادعا ائدن آلمانیانی، ایکی متفیق آراسینداکی آنلاشمازلیقلاردا طرف توتماماغا، باشقا اؤلکهلرین حقوقسوزلوغونا آلت اولماماغا، آیریجا صلاحیتی و مسئولیتی اولمایان ساحهلر و قونولاردا یانلی یوروم وئرمهمهیه بیر کز داها دعوت ائدیریک".