کارا اسماعیل اوغلو: "آوروپادا بیر چوخ لاییحه‌ده تورک مقاطعه چیلرین ایمضاسی وار"
نقلیات و آلت یاپی ناظیری عادل کارا اسماعیل اوغلو اسلوونیادا سفرده‌دیر.
نقلیات و آلت یاپی ناظیری عادل کارا اسماعیل اوغلو لجستیک سوپرگوجو اولما یولوندا اولان تورکیه-نین مرکزی کوریدوردا آسیا ایله آوروپا آلترناتیو گوجلو بیر لجستیک و اوره تیم مرکزینه چئوریله‌رک اوزرینه مهم عهده لیکلر گؤتوردوگونو بیلدیریب.
کارا اسماعیل اوغلو اسلوونیانین کوپر شهرینده تشکیل ائدیلن "ملینارژی تونل بیرلشمه مراسیمی"نده ائتدیگی چیخیشیندا تورکیه-نین باشدا مقاطعه چی لیق اولماقلا خیدمت سئکتوروندا قاباقجیل بیر آلت یاپییا و تجروبه‌یه مالیک اولدوغونو قئید ائدیب:
"تورکیه خصوصیله 2003-جو ایلدن بری ایش حجمینی تدریجن آرتیریب. بو مدت عرضینده 131 اؤلکه‌ده 450 میلیارد دو‌لاردان چوخ دگرینده 11 میندن چوخ لاییحه حیاتا کئچیریلیب. تورک مقاطعه چی شیرکت‌لریمیز آوروپادا آنایول لار تونل‌لر، کؤرپولر و دمیر یول‌لار کیمی 200-ا یاخین آلت یاپی لاییحه‌سینی حیاتا کئچیریب".
تورک مقاطعه چیلرین اسلوونیادا بیر چوخ لاییحه‌یه ایمضا آتدیغینا دقت چکن کارا اسماعیل اوغلو اسلوونیا ایله قورولان امکداشلیغین اؤلکه‌لرین و خالق‌لارین پارلاق گله‌جگی اوچون سون درجه دگرلی اولدوغونو وورغولاییب.
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
