تورکیه بازل شهرینده حیاتا کئچیریلن هوجومو قینادی

تورکیه سوئیس-ین بازل شهرینده کئچیریلن "23 آوریل اولوسلار آراسی اوشاق فستیوا‌لی"نا ترور تشکیلاتی پ.کا.کا طرفدارلاری‌نین هوجومونو شدتله قیناییب.

خاریجی ایشلر ناظیرلیگیندن هوجوملا باغلی وئریلن یازیلی آچیقلامادا "بو گون (8 می ) سوئیس-ین بازل شهرینده تشکیل ائدیلن "23 آوریل اولوسلار آراسی اوشاق فستیوا‌لی"نا قارشی ترور تشکیلاتی طرفدارلاری طرفیندن حیاتا کئچیریلن هوجومو شدتله قیناییریق" ایفاده‌سیندن ایستیفاده ائدیلیب.

آچیقلامادا بیلدیریلیب کی، بیر ترور تشکیلاتی و طرفدارلارینین آوروپانین مرکزینده اوشاق فستیوالینی هدفه آلا‌جاق قدر آلچالما‌لاری ترور تشکیلاتی‌نین چیرکین سیماسینی بیر داها اولوسلار آراسی توپلوما گؤستریب. هوجوم زامانی یارا‌لانان وطنداش‌لاریمیزین تئزلیکله ساغالماسینی دیلییر، بو منفور عملی تؤره‌دن‌لرین تئز زاماندا مسئولیته جلب اولونا‌راق لاییق اولدوق‌لاری جزانی آلماسینی گؤزلییریک.

قئید ائدک کی، بازل-ده کئچیریلن تدبیره قاتیلان تورکیه وطنداش‌لارینی بؤلوجو تشکیلاتین طرفدارلاری شیفاهی تحقیر ائتمیشدی.

ترور تشکیلاتی پ.کا.کا-نین لئهینه و تورکیه پرزیدنتی رجب طیب اردوغانین علیهینه شعارلار سسلندیرن تخمینن 30 نفرلیک قروپ داها سونرا فستیوال اراضی‌سینده‌کی باریئرلری ائندیره‌رک ایشتیراکچی‌لارا هوجوم ائدیب.

هوجوم نتیجه‌سینده 6 نفر یارالانیب.