اردوغان، هرتزوگ ایله دانیشدی
جمهورباشقانی اردوغان، آرالاریندا اوشاقلارین اولدوغو ۱۸ نفرین حیاتینی ایتیرمهسینین تاسف وئریجی اولدوغونو سؤیلهدی
جمهورباشقانی رجب طیب اردوغان، اسرائیل جمهورباشقانی اسحاق هرتزوگ ایله تلفندا دانیشدی.
تلفن دانیشماسیندا، فلیسطینده اسرائیللی رادیکال قروپلار و گوونلیک گوجلرینین سبب اولدوغو حادثهلر اله آلیندی.
سوسیال مئدیادان هرتزوگ ایله دانیشماسینا دایر بیلگی وئرهن جمهورباشقانی اردوغان، مسجد الاقصینین ایستاتو و معنویاتینا ایستیقامتلی تحریک و تهدیدلره ایجازه وئریلمهمهسینین ضرورتینی وورغولادیغینی بیلدیردی.
جمهورباشقانی اردوغان، رمضان آیینین باشلانغیجیندان اعتباراً اردن چایینین باتی ساحلی و مسجد الاقصی داخیل میدانا گلن حادثهلرده ۴۰۰و آشان فلیسطینلینین یارالانماسی و آرالاریندا اوشاقلارین اولدوغو ۱۸ نفرین حیاتینی ایتیرمهسینین تاسف وئریجی اولدوغونو سؤیلهدی.
اردوغان،
"مسجد الاقصینین دونن و سیراغا گون سحر نامازیندان سونرا فاناتیک قروپلارین باسقینینا اوغراماسی و مداخیلهلر نتیجهسینده یئنه ایستهنمهیهن گؤرونتولر یاشانماسی، گرگینلیگین غزهیه ده سرایت ائتمهسی کدریمیزی آرتیرمیشدیر. بایراملارین بایرام هاواسیندا یاشانماسی لازیم ایکن بعضی رادیکاللار اوزوندن هر ایل قارشیلاشیلان بو گؤرونتولر ویجدانلاری یارالاماقدا، بوتون اسلام عالمینده حاقلی تپکیلره سبب اولماقدادیر" دئدی.
"هر کسین بو موبارک مکانین (مسجد الاقصی) و گونلرین معنویاتی و قوتساللیغینی قوروماق اوچون ماکسیموم چابا گؤسترمهسی چاغریمی یئنهلهییرم" دئیهن اردوغان، تورکیه اولاراق هر وضعیتده باریش و دینجلیگین تامینی ایستیقامتینده چالیشماغا داوام ائدجکلرینی بیلدیردی.