ایستانبول گؤروشمهسی سونراسی هیئتلردن آچیقلاما گلدی
"قیریم مسئلهسی حل اولونمالیدیر. قیریم ایشغال اولونموش بیر بؤلگهدیر"
![ایستانبول گؤروشمهسی سونراسی هیئتلردن آچیقلاما گلدی](http://cdn.trt.net.tr/images/xlarge/rectangle/0fa4/3169/0e53/6242f7c12ca7b.jpg?time=1718701815)
۲۴ فوریهده روسیانین اوکراینایا قارشی باشلاتدیغی ساواشدان سونرا طرفلرین ایستانبولدا دانیشیقلار اوچون بیر آرایا گلدیگی گؤروشمه باشا چاتدی.
جمهورباشقانلیغی دولماباغچا چالیشما اوفیسینده گئچیریلهن گؤروشمه، روسیا و اوکراینا طرفلرینین هم هئیت باشقانلاری هم ده هئیتلرآراسی گؤروشمهلرینینن آردیندان باشا چاتدی.
روسیا هئیتینین گؤرومهدن سونرا وئردیگی آچیقلامادا،
"بعضی مادهلرده آنلاشدیق. اوکراینانین تکلیفلرینی (روسیا درولت باشقانی ولادیمیر) پوتینه چاتدیراجاغیق. خاریجی ایشلر باخانلاری آنلاشارسا، پوتین-زلنسکی گؤروشمهسی ممکندور" ایفادهلری ایشلهدیلدی.
دانیشیقلاردا ایشتیراک ائدن روسیا ساوونما یاخانی یاردیمچیسی آلکساندر فومین ده کیئو و چئرنیقوو یؤنلرینده حربی عملیاتلاری آزالتماق قرارینا گلدیکلرینی آچیقلادی.
اوکراینا مذاکیره هئیتی ایسه گؤروشمهدن سونرا وئردیگی آچیقلامادا، تورکیه ده داخیل اولماقلا ۸ اؤلکهنی ضامن اؤلکه اولاراق گؤرمک ایستهدیکلرینی بیلدیررک،
"روسیا ایله آنلاشما، ضامن اؤلکهلرله بیرلیکده ایمضالاناجاق" دئدی
اوکراینا هیئتی بونلاری سؤیلهدی:
"بیز ناتویا داخیل اولمایاجاغیق آنجاق آوروپا بیرلیگیندن واز گئچمهیهجییک. آنلاشمادا هئچ بیر شئی آوروپابیرلیگینه گیرمهیه مانع اولمایاجاق دئییلدی. قیریم مسئلهسی حل اولونمالیدیر. قیریم ایشغال اولونموش بیر بؤلگهدیر".
اوکراینا هئیتی، روسیایا دانیشیقلار داوام ائدرکن گوج قوللانیلماماسینی تکلیف ائتدیکلرینی، قارشی طرفه توتوملارینی چاتدیردیقلارینی و جاواب گؤزلهدیکلرینی آچیقلادی.