اسرائیل جمهورباشقانینین تورکیه‌یه گله‌جگی تاریخ بللی اولدو
جمهورباشقانی رجب طیب اردوغان، گئچن آیلاردا اسرائیلله یئنیدن بیر پروسه‌نین باشلاییب باشلامایاجاغی قونوسوندا ایکی اؤلکه‌نین استخبارات هؤرگوتلرینین گؤروشدوگونو آچیقلامیشدی
اسرائیل جمهورباشقانی اسحاق هرتزوگ ۹-۱۰ مارسدا تورکیه‌یه سفر ائد‌جک.
جمهورباشقانی رجب طیب اردوغان، گئچن آیلاردا اسرائیلله یئنیدن بیر پروسه‌نین باشلاییب باشلامایاجاغی قونوسوندا ایکی اؤلکه‌نین استخبارات هؤرگوتلرینین گؤروشدوگونو آچیقلامیش و بو آچیقلاما گوند‌مده اؤنملی بیر یئر توتموشدو.
داها سونرا هم تورکیه‌دن، هم ده اسرائیل‌دن 'دیالوگ' مئساژلاری گلمیش، ژانویه ۲۰۲۲ده ایکی اؤلکه‌نین خاریجی ایشلر باخانلاری ۱۳ ایلده‌ن سونرا ایلک دفعه تلفندا دانیشمیشدی.
بونا اساساً اسرائیل جمهورباشقانی اسحاق هرتزوگ ۹-۱۰ مارسدا تورکیه‌یه گله‌جک.
جمهورباشقانلیغی سؤزچوسو ابراهیم قالین و خاریجی ایشلر باخانی یاردیمچیسی سدات اؤنال ایسه ۱۶-۱۷ فوریه ۲۰۲۲ تاریخلرین‌ده فیلیسطین و اسرائیله سفر ائد‌جک.
هئیت، فیلیسطین دؤولت باشقانی محمود عباس طرفین‌دن قبول ائدیله‌جک و فیلیسطین مقاملاری ایله گؤروشه‌جک.
هئیت، اسرائیل مقاملاری ایله ده گؤروشه‌رک اسرائیل جمهورباشقانی اسحاق هرتزوگون تورکیه‌یه سفرینین حاضرلیقلارینی دانیشاجاق. هئیت آیریجا سیاسی مشاوره‌لر ده ائده‌جک.
اسرائیلین خاریجی ایشلر و انرژی باخانلای آنتالیا دیپلوماسی فورومونا (۱۱-۱۳ مارس ۲۰۲۲) قاتیلماق اوچون تورکیه‌یه گله‌جک.
