جمهور باشقانی اردوغان:"لوبنان-ین یانیندا اولماغا داوام ائدجییک"
پایتاخت آنکارادا جمهور باشقانلیغی ایقامتگاهیندا لوبنان باش ناظیری نجیب میقاتی ایله بیرگه تشکیل ائدیلن اورتاق مطبوعات کنفرانسیندا چیخیش ائدن جمهور باشقانی اردوغان دئییب.
جمهور باشقانی رجب طیب اردوغان "دونن اولدوغو کیمی، بو گون و صاباح دا قارا گونون دوستو کیمی لوبنان-ین یانیندا اولماغا داوام ائدجییک" دئدی.
پایتاخت آنکارادا جمهور باشقانلیغی ایقامتگاهیندا لوبنان باش ناظیری نجیب میقاتی ایله بیرگه تشکیل ائدیلن اورتاق مطبوعات کنفرانسیندا چیخیش ائدن جمهور باشقانی اردوغان دئییب: "لوبنانا اینسانی و تکنیکی کؤمک‌لریمیزی داوام ائتدیرمکده قرارلیییق.
نجیب میقاتی‌یه فیرما‌لاریمیزین بیروت لیمانی‌نین یئنی‌دن اینشاسی دا داخیل اولماقلا، مهم آلت یاپی لاییحه‌لرینی ده بویون‌لارینا گؤتورمه‌یه حاضیر اولدوغوموزو سؤیله‌دیم.
تورکیه-لوبنان تیجارت حجمی 1،8 میلیارد دولار سویه‌سینه چاتیب. بو رقمی داها آرتیرماق مقصدیله آتاجاغیمیز آددیم‌لاری موذاکیره ائتدیک. ائله‌جه ده قاریشیق اقتصادی ایجلاسیمیزی ان قیسا مدتده یولا سالاجاغیق.
توریزم ساحه‌سینده بوتون امکداش‌لیق‌لارا آچیغیق. تورک هاوا یول‌لاری (THY) لوبنانا داها چوخ خیدمت گؤسترمک اوچون بیروت واریش‌لی اوچوش‌لاردا ائندیریم ائتدی. می آیینا قدر سوره‌جک بنزر کامپانیا اوچون ز یئنه چالیشیر."
لوبنانین باش ناظیری نجیب میقاتی دا اؤز نؤوبه‌سینده‌کی چیخیشیندا تورکیه-نین هر واخت اؤلکه‌سی‌نین یانیندا اولدوغونو سؤیله‌یه‌رک دئییب: "سیاسی، اقتصادی، توریزم و بوتون ساحه‌لرده محکم آددیم‌لار آتاجاغیق. تیجارت امکداشلیغیمیز آرتماقدا‌دیر. گؤروش‌لرده بیر سیرا اورتاق ایشلر، ایکی طرف‌لی امکداش‌لیق مسئله‌لرینی موذاکیره ائتدیک. تورکیه باتی و دوغو آراسیندا بؤیوک بیر کؤرپودور. علاقه‌لریمیز همیشه داوام ائده‌جک".
