اسکی ائلچی، ارمنیستان اؤزل نماینده‌سی اولاراق آتاناجاق
"بیز آذربایجان ایله هر قونودا مشاویره ائدیریک و آذربایجانین بیلگیسی داخیلینده بو جور آددیملاری آتیریق"
خاریجی ایشلر باخانی مؤولود چاووش‌اوغلو، تورکیه‌نین اسکی واشینگتن ائلچیسی سردار قیلیچین ارمنیستان اؤزل نماینده‌سی اولاراق وظیفه‌لندیریله‌جگینی سؤیله‌دی.
چاووش‌اوغلو، بیرلشمیش عرب امرلیکلرین‌ده گؤروشمه‌لرینین آردین‌دان مطبوعاتا دانیشدی.
اردوغانین امارات سفرینه باغلی چالیشمالارین باشلادیغینی ایفاده ائد‌ن چاووش‌اوغلو، "سایین جمهورباشقانیمیزین سفری قونوسون‌دا ۱۴-۱۵ فوریه اوچون پلانیمیز وار. ۱۵ فوریه‌ده اکسپو ۲۰۲۰ده تورکیه میللی گونو فعالیتی تشکیل ائتمه‌گی پلانلاییریق. بو گون مخاطبلریمیزله ده گؤروشدوک" دئیه دانیشدی.
چاووش‌اوغلو، ارمنیستانلا نورماللاشما چرچیوه‌سین‌ده قارشی‌لیق‌لی مثبت آچیقلامالار وئریلدیگینی وورغولایاراق،
"بیز آذربایجان ایله هر قونودا مشاویره ائدیریک و آذربایجانین بیلگیسی داخیلینده بو جور آددیملاری آتیریق. کیمسه آذربایجان‌دان مستقیل یا دا آیری حرکت ائده‌بیلریک می دئیه سورغولاماسین. بیر میللت ایکی دؤولتیک. بونلار مثبت شئیلر هامیمیزا فایداسی اولاجاق" دئدی.
گووه‌ن آرتیریجی آددیملار آتماق لازیم اولدوغونا وورغو ائد‌ن چاووش‌اوغلو،
"بیر طرف‌دن آذربایجان ایله ارمنیستان آراسین‌دا گووه‌ن آرتیریجی آددیملار آتیلیر، بیر طرف‌دن ده بیزیم ده ارمنیستانلا اؤز آرامیزدا آذربایجان-ارمنیستان آراسینداکی گووه‌ن آرتیریجی آددیملارا پارالل اولاراق (آددیملار) آتمامیزدا فایدا گؤردوک. سایین جمهورباشقانیمیزین دا اویغون گؤرمه‌سی ایله اسکی واشینگتن ائلچیمیز سردار قیلیچی اؤزل تمثیلچی اولاراق وظیفه‌لندیره‌جییک" ایفاده‌لرینی ایشلتدی.
