تورکیه اسد رژیمینین قوندارما خالق مجلیسینین بیاناتینا رئاکسیا وئردی
تورکیه اسد رژیمینین قوندارما خالق مجلیسینین تورکیه-نی هدف آلان بیاناتینی رد ائدیب.
تورکیه اسد رژیمینین قوندارما خالق مجلیسینین تورکیه-نی هدف آلان بیاناتینی رد ائدیب.
خاریجی ایشلر ناظیرلیگینین سؤزچوسو تانژو بیلگیچ سوریه-ده بشار اسد رژیمینین قوندارما خالق مجلیسی تورکیه-نین اراضی بوتؤولوگونو هدف آلان حدسیز و قانونسوز بیاناتی قطعیت ایله رد ائتدیکلرینی بیلدیریب.
تانژو بیلگیچ اسد رژیمینین قوندارما خالق مجلیسینین بیاناتی ایله باغلی سوالا یازیلی جاواب وئریب.
تانژو بیلگیچ "سوریه خالقینی هئچ بیر شکیلده تمثیل ائتمهین و دموکراتیک لئگیتیملیگی اولمایان خالق مجلیسینین اؤلکهمیزین اراضی بوتؤولوگونو هدف آلان حدسیز و قانونسوز بیاناتینی قطعیت ایله رد ائدیریک" ایفادهلردن ایستیفاده ائدیب.
بو جور بیاناتلارین ایللردیر اؤز خالقینا ظلم ائدن، یوز مینلرله گوناهسیز اینسانین اؤلومونه، میلیونلارلا اینسانین اؤز یورد-یوواسیندان دیدرگین دوشمهسینه گؤره مسئولیت داشییان بیر رژیمین معناسیز نؤوبتی تظاهرو اولدوغونو وورغولایان تانژو بیلگیچ دئییب:
"تورکیه کئچمیشده اولدوغو کیمی، بو گون ده، گلهجکده ده وطن تورپاقلارینا گؤز قویان خاین عمللره و میللی ماراقلارینا قارشی هر جور تهدیده جاواب وئرمک عزمینه و قطعیته صاحیبدیر".