حولوصی آکار: "تورکیه سلاح‌لی قوه‌لری‌نین اینوانترینده شیمیایی سلاح یوخ‌دور"
میللی ساوونما ناظیری حولوصی آکار میللی ساوونما ناظیرلیگی‌نین 2022-جی ایل بودجه‌سی ایله باغلی ایجلاس‌لاردا میللت وکیل‌لری‌نین سوال‌لارینی جاوابلاندیریب.
"تورکیه سلاح‌لی قوه‌لری‌نین اینوانترینده هئچ بیر شیمیایی سلاح یوخ‌دور".
بونو میللی ساوونما ناظیری حولوصی آکار تورکیه بؤیوک میللت مجلیسینین پلان و بودجه کمیسیونوندا میللی ساوونما ناظیرلیگی‌نین 2022-جی ایل بودجه‌سی ایله باغلی ایجلاس‌لاردا میللت وکیل‌لری‌نین سوال‌لارینی جاوابلاندیرارکن دئییب.
حولوصی آکار شیمیایی سلاح ادعا‌لارینا بئله جاواب وئریب:
"تورکیه سلاح‌لی قوه‌لری‌نین اینونتاریندا تورکیه سلاح‌لی قوه‌لرینده قطعین، هئچ واخت، هئچ بیر فورمادا گاز و یا شیمیایی سلاح یوخ‌دور. بئله بیر شئی یوخ‌دور. نه آلینیب، نه ده گیزله‌دیلیب. متخصص‌لر طرفیندن ده نظر سالیندیقدا تورکیه-ده و تورکیه سلاح‌لی قوه‌لری‌نین ترکیبینده بئله بیر شئیین اولمادیغی چوخ آیدین گؤرولموش‌دور. آنجاق تورکیه جمهوریتی، تورکیه سلاح‌لی قوه‌لری طرفیندن آپاریلان ترورلا موباریزه‌یه لکه یاخماق اوچون واختاشیری بو جور ادعا‌لار تکرارلانیر. بو ادعا‌لارین هئچ بیر اساسی یوخ‌دور".
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
