تورکیه، آتاتورکو سئوگی، سایغی و مینتله یاد ائدیر
"عزیز آتاتورک، ذات عالینیزی وفاتینیزین ۸۳.جو ایل دؤنومونده بیر دفعه داها رحمتله یاد ائدیریک"
بو گون ۱۰ نوامبر. تورکیه جمهوریتینین قوروجوسو غازی مصطفی کمال آتاتورکون وفاتینین ۸۳.جو ایلدؤنومودور.
تورکیه، ۵۷ ایللیک حیاتیندا میللتینین و وطنینین مستقیللیگی اوچون گیردیگی هر مباریزهنی عسگری و سیاسی دهاسی ایله ظفرله سونوجلاندیراراق، آدینی تورک و دونیا تاریخینه قیزیل حرفلرله یازدیران اؤندرینی، بیر دفعه داها سئوگی، سایغی و مینتله یاد ائدیر.
آتاتورکون اؤلومونون ۸۳.جو ایلینده آنید قبیرده دؤولت تؤرهنی تشکیل ائدیلدی.
جمهورباشفانی رجب طیب اردوغان باشقانلیغیندا، دؤولت و حکومت یئتکیلیلری ایله سیاسی پارتی باشقانلاری، عسگری و مولکی نمایندهلردن اولوشان هئیت، آنید قبره گلدی.
اردوغان و برابریندهکی هئیت آتاتورکون مزارینا چلنگ قویدو، آردیندان سایغی دوروشو اولدو و ایستیقلال مارشی اوخوندو.
اردوغان، آردیندان، آنید قبیر اؤزل دفترینی ایمضالادی.
اردوغان دفتره بونلاری یازدی:
"عزیز آتاتورک، ذات عالینیزی وفاتینیزین ۸۳.جو ایل دؤنومونده بیر دفعه داها رحمتله یاد ائدیریک. قوردوغونوز و بیزلره امانت ائتدیگینیز جمهوریتمیزی، استیلاچیلارین عمللرینه داخیل اولان بدخواهلارا باخمایاراق بؤیوتمهیه، گلیشدیرمهیه، بؤلگهسینین و دونیانین پارلایان اولدوزو ائتمهیه داوام ائدیریک. تحصیل، ساغلیق، گوونلیک، صنایع باشدا اولماق اوزره هر ساحهده الده ائتدیگیمیز تاریخی باشاریلارلا ۲۰۲۳ هدفلریمیزه عزمله ایرلیلهییریک. اؤلکهمیزین بوتونلویونه، دؤولتیمیزین بقاسینا، نجیب میللتیمیزین بیرلیگینه، دیریلیگینه و قدیم دگرلرینه قصد ائتمهسینه اصلا ایجازه وئرمهیهجییک. روحون شاد اولسون".
اؤلکهده ده وطنداشلار، آتاتورکون حیاتا گؤزلرینی یومدوغو تورکیه ساعاتییلا ۰۹.۰۵ده، آژیر سسلری ایله سایغی دوروشو گرچکلشدی. سوروجولر ده آراجلاریندان ائنرک سایغی دوروشونا قاتیلدی.
وطنداشلار سایغی دوروشو سیراسیندا دویغولو آنلار یاشادی.