اردوغان: بئله داوام ائتمهیهجک
«سوریهدهکی ترور هؤرگوتلری پکاکا/پ.ی.دنین آمریکادان آلدیقلاری دستکلره گؤره تأسفوموزو چاتدیردیق»
پرزیدنت اردوغان آمریکانین ترور هؤرگوتلرینه سلاح دستگی حاقیندا،
«بوندان سونراکی پروسه اینانیرام کی، بئله داوام ائتمهیهجک» دئدی.
اردوغان ایتالیانین باشکندی رمدا تشکیل ائدیلهن گ۲۰ لیدئرلر ذیروه توپلانتیسیندان سونرا مطبوعات کنفرانسی گئچیرهرک ذیروهنی دگرلندیریب سواللاری جاوابلاندیردی.
اردوغان ذیروه چرچیوهسینده آمریکا پرزیدنتی جو بایدن ایله گؤروشمهسینه باغلی سوالا،
«سوریهدهکی ترور هؤرگوتلری پکاکا/پ.ی.دنین آمریکادان آلدیقلاری دستکلره گؤره تأسفوموزو چاتدیردیق» دئیرک،
«بوندان سونراکی پروسه اینانیرام کی، بئله داوام ائتمهیهجک» ایفادهسینی ایشلتدی.
بایدن ایله گؤروشمهده مؤوجود اف-۱۶لارین مدرنلشدیریلمهسی و یا یئنی اف-۱۶لارین وئریلمهسی قونوسونون گوندمه گلدیگینی قید ائدن اردوغان، ایکی اؤلکهنین ساوونما باخانلارینین پروسهنی ایزلهدیگینی بیلدیردی.
اردوغان،
«بو قونودا سایین بایدنین مثبت یاناشیمینی گؤردوم» دئیه دانیشدی.
طالبان ۱۵ آگوستدا کنترلو اله گئچیردیگی افغانیستاندان تورکیهیه یئنی کؤچ دالغاسینا باغلی ایسه جمهورباشقانی، تورکیهده هله ده ۳،۶ میلیونو سوریهدهکی ساواشدان قاچانلار اولماق اوزره، ۵ میلیونا یاخین یئریندن ائدیلمیش انسانا ائو صاحبلیگی ائتدیگینی خاطرللاداراق،
"بیز تدبیرلریمیزی آلیریق، بؤیوک کؤچه قاپیلاریمیزی آچماق نیتینده دئییلیک" دئدی.