اردوغان، ت‌رت وورلد فوروما ویدئو مئساژلا قاتیلدی
"بوتون مظلوملار و قوربانلار آدینا آپاردیغیمیز بو موباریزه‌نی داها یوکسک سویه‌یه قالدیرماق عزمینده‌ییک"
پرزیدنت رجب طیب اردوغان، بوتون مظلوملار و قوربانلار آدینا موباریزه‌لرینی داها یوکسک سویه‌یه قالدیرماقدا قرارلی اولدوقلارینی سؤیله‌دی.
"ت‌رت وورلد فورومو ۲۰۲۱" تدبیرینه ویدئو مئساژ گؤندره‌ن جمهورباشقانی، اینسانلیق اولاراق بیر مدتدیر اقتصادی، سوسیال، سیاسی و بشری اؤلچولری اولان بؤیوک بیر ساغلیق بحرانی ایله موباریزه آپاریلدیغینی خاطیرلاداراق بو پروسه‌ده باش وئره‌نلرین هئچ بیر شئیین اسکیسی کیمی اولمادیاجاغینی گؤستردیگینی قید ائتدی. بوتون بشریتین گله‌جیینی تهدید ائد‌ن بو بحران قارشیسین‌دا دونیادا باریشینین و عدالتین تامین ائدیلمه‌سین‌دن مسئول اولان قوروملارین بیر داها اوغورسوزلوغا دوچار اولدوغونو ایفاده ائد‌رک،
"آز گلیشمیش اؤلکه‌لر و یوخسول جمعیت کسیملری قدرینه بوراخیلدی، تیجارت‌ده قوروماچیلیق آرتدی، تدارک زنجیرلری قیریلمالار اولدو. اقتصادی پروبلئملرله بیرلیکده باتی اؤلکه‌لرین‌ده نیفرت سوچلاری قورخونج حده چاتد‌ی" دئدی.
اردوغان،
"آوروپالی سیاست‌چیلر توپلومو سرطان حجره‌سی کیمی احاطه ائد‌ن اسلاموفوبی ایله موبارزه ائتمک یئرینی بونو استیثمار ائتمه‌نین، سیاسی منفعته چئویرمه‌نین، سس آلمانین حسابینی ائدیر" دئدی.
دونیاداکی مؤوجود سیستمین اوزون مدتدیر عدالت و ثابت‌لیک یاراتمادیغینا ایشاره ائد‌ن اردوغان،
"اسلام دونیاسینین سؤز صاحبی اولمادیغی بو سیستمین آفریقا، لاتین آمریکا و گونئی آسیانین طلبلری نظره آلینمیر و یالنیز گوجو الین‌ده ساخلایان بئش اؤلکه‌نین ماراقلاری نظره آلینماقلا داوام ائده‌بیلمز. بیرلشمیش میللتلر تشکیلاتین‌دا و دیگر اولوسلارآراسی قوروملارداکی اصلاحاتلارا اولان احتیاج آرتیق گؤز آردی ائدیله‌بیلمز" دئیه دانیشدی.
تورکییه‌نین بو اصلاحات احتیاجینی ایللردیر "دونیا بئش‌دن داها بؤیوک‌دور" ایفاده‌سی ایله ایفاده ائتدیگینی خاطیرلادان اردوغان،
"بوتون مظلوملار و قوربانلار آدینا آپاردیغیمیز بو موباریزه‌نی داها یوکسک سویه‌یه قالدیرماق عزمینده‌ییک" دئدی.
