اردوغان: بیر ایش قروپو یارادیلماسینی تکلیف ائدیره‌م
"بو چتین گونلرین‌ده افغانیستان خالقینا قارشی قارداشلیق وظیفه‌میزی یئرینه یئتیرمه‌گی داوام ائتدیرجییک"
جمهورباشقانی رجب طیب اردوغان، اولوسلارآراسی توپلومون افغانیستان خالقینا آرخاسینی دؤنمه، بو اؤلکه‌نی اؤز حالینا ترک ائتمه شانسی اولمادیغینی بیلدیردی.
جمهورباشقانی اردوغان، افغانیستان قونولو "گ۲۰ فؤوق‌ا‌لعاده لیدئرلر ذیروه‌سی"نه ایستانبول‌داکی وحیدالدین کؤشکون‌دن ویدئو کنفرانس ایله قاتیلدی.
افغانیستان‌دا یئنی بیر سیاسی و ژئوپولیتیک گئرچکله قارشی-قارشییا اولوندوغونو، اؤلکه‌ده ثابیتلیگین بیر آن اؤنجه تامین ائدیلمه‌سینین یالنیز بؤلگه‌سل دئییل اولوسلارآراسی اؤلچک‌ده ده بؤیوک اؤنم داشیدیغینی ایفاده ائد‌ن اردوغان،
" طالبانی قابساییجی بیر یؤنتیم قورما یولوندا یؤنلندیرمه‌لییک" دئدی.
"اولوسلارآراسی توپلومون افغانیستان خالقینا آرخاسینی دؤنمه، بو اؤلکه‌نی اؤز حالینا ترک ائتمه شانسی یوخ" ایفاده‌لرینی ایشله‌د‌ن اردوغان، اؤلکه‌ده گئده‌رک درینلشه‌ن اینسانی بحران سببی ایله افغانیستان خالقی ایله گوجلو بیر دایانیشما سرگیله‌مک لازیم اولدوغونو وورغولادی.
اردوغان، تورک قیزیل آیی‌نین سون اولاراق ۳۳ تن یئمک یاردیمی تامین ائتدیگینی خاطیرلاداراق،
"بو چتین گونلرین‌ده افغانیستان خالقینا قارشی قارداشلیق وظیفه‌میزی یئرینه یئتیرمه‌گی داوام ائتدیرجییک" دئدی.
افغانیستان‌داکی گلیشمه‌لرین کؤچ آخینی ریسکینی آرتیردیغینا دقت چکه‌ن جمهورباشقانی،
" تورکیه، افغانیستان قایناق‌لی یئنی بیر کؤچ یوکونو قالدیرابیلمز. گ۲۰ بنیه‌سین‌ده بیر ایش قروپو یارادیلماسینی تکلیف ائدیره‌م. تورکیه اولاراق بو قروپون باشقانلیغینا دا طالبیک" دئیه دانیشدی.
اردوغان، تورکیه‌نین معروض قالاجاغی کؤچ باسقیسیندان آوروپا اؤلکه‌لرینین ده تأثیرله‌نمه‌سینین قاچینیلماز اولاجاغینی قید ائتدی.
