اردوغان: هر کس افغانیستانی ترک ائدرکن بیز ترک ائتمه‌دیک
"بیزلر کؤچ اولاییندا چوخ حساسیق. ایران سرحدین‌دن عراق و سوریه سرحدینه قدر هاراداسا هر یئری دووارلارلا هؤروروک"
جمهورباشقانی رجب طیب اردوغان،
"دونن کابل‌دا گرچکلشدیریلن او فاجعه‌نی، او ترور سالدیریسینی ملت طرفین‌دن تلعین ائدیریک، قیناییریق" دئدی.
اردوغان، بوسنی هرزگووین سفری اؤنجه‌سی ایستانبول آتاتورک هاوالیمانین‌دا تشکیل ائدیله‌ن مطبوعات توپلانتیسیندا دانیشدی.
جمهورباشقانی اردوغان، کابل‌داکی ترور سالدیریسینا باغلی،
"دونن کابل‌دا گرچکلشدیریلن او فاجعه‌نی، او ترور سالدیریسینی ملت طرفین‌دن تلعین ائدیریک، قیناییریق. داعشین بئله بیر سوره‌ج ایچری‌سین‌ده بو آددیمی آتمیش اولماسی، بؤلگه‌ده و دونیادا نئجه تهلوکه‌لی بیر هؤرگوت اولدوغونو اورتایا قویور" ایفاده‌لرینی ایشلتدی.
اردوغان، افغانیستان‌دا وظیفه یئرینه یئتیره‌ن تورک سلاحلی گوجلری پرسنلینین تخلیه‌سینین داوام ائتدیگینی ایفاده ائد‌رک،
"تخلیه ایشلرینی ان قیسا زامان‌دا و ان سرعت‌لی شکیل‌ده تاماملایاجاغیق" دئیه دانیشدی.
اردوغان، طالبانلا گؤروشمه قونوسون‌دا دا،
"بیزیم، کیمینله هارادا، نه واخت، نه کیمی گؤروشمه‌لر ائده‌جگیمیز اوچون کیمسه‌دن اجازه آلماق کیمی بیر ایشیمیز ده یوخ" دئدی.
اردوغان سؤزلرینی بو شکیل‌ده داوام ائتدیردی:
"طالبانین کابل هاوالیمانینین ایشلدیلمه‌سی نقطه‌سین‌ده تکلیفلری وار، بیزه. بو قونودا بو آندا هله وئریلمیش بیر قراریمیز یوخ".
اردوغان، آلمانیانین تورکیه ایله چالیشما فیکرینین گئچ آلینمیش بیر قرار اولدوغونو ایفاده ائد‌رک،
"هر کس افغانیستانی ترک ائدرکن بیز افغانیستانی ترک ائتمه‌دیک" دئدی.
جمهورباشقانی، ایچ‌ایشلری باخانلیغینین بیلگیلرینه گؤره، ثبت ائدیلمیش، ائدیلمه‌میش افغانیستان‌دان مؤوجود کؤچمن ساییسینین ۳۰۰ مین اولدوغونو سؤیله‌یه‌رک،
"بیزلر کؤچ اولاییندا چوخ حساسیق. ایران سرحدین‌دن عراق و سوریه سرحدینه قدر هاراداسا هر یئری دووارلارلا هؤروروک" دئیه دانیشدی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
