اردوغاندان افغانیستان آچیقلاماسی
"باشدا باتی دونیاسی اولماق اوزره، اسلام دونیاسی دا، افغانیستانا لازیم اولان قایغینی گؤسترمهدی"
جمهورباشقانی رجب طیب اردوغان،
"افغانیستان قونوسوندا باشقا اؤلکهلرله ده گؤروشمهلریمیز وار" دئدی.
اردوغان، ایستانبولدا وئردیگی آچیقلامادا، باشدا باتی دونیاسی اولماق اوزره، اسلام دونیاسینین دا، افغانیستانا لازیم اولان قایغینی گؤسترمهدیگینی ایفاده ائتدی.
پرزیدنت اردوغان،
"افغانیستانا بوتون ایمکانلاریمیزلا ایستر آلت یاپی ایستر اوست یاپی نقطهسینده لازیم اولان چابانی گؤستردیک، هله ده ده ایشلریمیزی داوام ائتدیریریک" دئیه دانیشدی.
اردوغان، تورکیهده بو آندا امنیت لیستینده و ثبت ائدیلمهمیش ۳۰۰ مین افغانیستانلی کؤچمنین اولدوغونو سؤیلهدی.
"ایندی گلیشمهلری ایزلهییریک. گلیشمهلری ایزلرکهن افغانیستان سیاستلرینی یاخیندان بیلدیگیمیز اؤلکهلر ایله مذاکره حالینداییق. باشدا خاریجی ایشلر باخانلیغیمیزین بو اؤلکهلرله اولان گؤروشمهلری، مثلاً ناتونون بئله بیر ییغینجاغی وار یارین. خاریجی ایشلر باخانلیغیمیزین اورادا گؤروشمهلری اولاجاق" دئیهن رجب طیب اردوغان،
"لازیم اولسا طالبانلا دا گؤروشمهلر ائده بیلریک، اورتادا بیر واقعه، گئرچک وار و بو قونویلا باغلی قاپی چالیندیغیندا قاپیمیزی آچار گؤروشمهلریمیزی ائدریک" شکلینده دانیشدی.
ایلگیلیلی خبرلر
هاکان فیدان ناتو توپلانتیسینا قاتیلاجاق
هاکان فیدان ناتو غیری-رسمی خاریجی ایشلر ناظیرلری توپلانتیسینا قاتیلاجاق.