آکار: تورک عسگرینی تهلوکه‌یه آتماریق
"تورکیه‌نین کابل‌دا‌کی قونالقانین ایشلدیلمه‌سی یولونداکی اصل مقصدی، افغانستانین تجرید بیر دؤولت حالینا چئوریلمه‌سینه مانع اولماق"
ملی ساوونما باخانی حولوصی آکار، افقانیستان‌داکی حامد کرزی اولوسلارآراسی هاوالیمانینین ایشلدیلمه‌سی ایله باغلی،
"بیزیم هر هانسی بیر شکیل‌ده تورک عسگرینی تهلوکه‌یه آتماق کیمی دوروموموز سؤز قونوسو اولابیلمز" دئدی.
آکار، تورکیه‌نین اسلام‌آباد ائلچیلیگین‌ده، پاکیستان سفرینه دایر دانیشدی.
پاکستان جمهورباشقانی عارف علوی و باشباخان عمران خان طرفین‌دن قبول ائدیلدیگینی، ساوونما باخانی پرویز ختاک و ساوونما اوره‌تیم باخانی زوبیده جلال ایله بیر آرایا گلدیگینی و ژنرال قمر جاوید باجوا ایله گؤروشدوگونو ایفاده ائد‌ن آکار، گؤروشمه‌لرده تورکیه و پاکستان آراسین‌داکی ایکی‌لی ایلیشکی‌لر باش‌دا اولماق اوزره بیر چوخ قونونو اله آلدیقلارینی ایفاده ائتدی.
آکار، "هم ساوونما صنایعی هم عسگری تعلیم، امکداش‌لیق قونولارین‌دا اؤنوموزده‌کی گونلرده ایشلریمیزی داها دا گلیشدیرمه یولوندا آنلاشدیق. امکداشلیغین داوام ائتدیریلمه‌سی قونوسون‌دا دا آنلاییش بیرلیگی ایچین‌ده اولدوغوموزو بؤیوک بیر ممنونیتله مشاهده ائتدیک" دئیه دانیشدی.
آکار، ایکی اؤلکه‌نین، بؤلگه‌لرین‌ده باریش و ثابیتلیگین قالیجی حالا گتیریلمه‌سی اوچون اؤنملی قاتقیلار تامین ائتدیگینی قید ائتدی.
افغانستان‌داکی سون گلیشمه‌لرین ده گؤروشمه‌لر سیراسین‌دا گوند‌مه گلدیگینی دیله گتیره‌ن آکار، تورکیه‌نین کابل‌دا‌کی هاوالیمانینین ایشلدیلمه‌سی یولونداکی اصل مقصدینی، افغانستانین تجرید بیر دؤولت حالینا چئوریلمه‌سینه مانع اولماق شکلینده آچیقلادی.
آکار ، بئله دانیشدی:
"کابل‌دا‌کی قونالقانین باغلانیلماسی دورموندا اؤلکه‌ده‌کی دیپلوماتیک نماینده‌لیکلرین هامیسینین چکیله‌جگینه دایر آچیقلامالار وار. بئله بیر شئیین افغانستانلی قارداشلاریمیز اوچون آرزو ائدیله‌ن بیر وضعیت اولمادیغینی هامیمیز بیلیریک. بو سببله بیز هاواآلانینین آچیق قالماسینین فایدالی اولاجاغینا دایری فیکیرلریمیزی پایلاشماغا داوام ائدیریک. اؤنوموزده‌کی گونلرده بو قونو شکیللنه‌جک. بیزیم هر هانسی بیر شکیل‌ده تورک عسگرینی تهلوکه‌یه آتماق کیمی دوروموموز سؤز قونوسو اولابیلمز".
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
