تاتاریستان جمهور باشقانی آنکارادا
"تورک شیرکتلرینین تاتاریستان‌داکی سرمایه‌لری ۲،۵ میلیارد دلار سویه‌سین‌ده و بو روسیاداکی بوتون تورک سرمایه‌لرینین ۴ده بیری قدردیر"
صنایع و تکنولوژی باخانی مصطفی وارانک، تورکیه ایله تاتاریستانین، پلانلانان سرمایه‌لر و آنلاشمالار ایله داها ساغلام و باشاریلی اقتصادی نتیجه‌لر الده ائدجگینی سؤیله‌دی.
مصطفی وارانک، باشکند آنکارادا اولان تاتاریستان جمهوریتی جمهور باشقانی رستم میننیهانوو ایله بیر آرایا گلدی.
میننیهانوو، تورکیه‌ده وئریملی گؤروشمه‌لری اولدوغونو ایفاده ائدرک، اورتاق پروژه‌لرین گرچکلشدیریلمه‌سین‌دن دویدوغو هیجانی دیله گتیردی.
وارانک دا، ایکی اؤلکه‌نین تاریخی، مدنی باغلاری اولدوغونو وورغولایاراق،
"بو تاریخی و مدنی باغلاری اقتصادی ساحه‌ده ده گلیشدیرمه‌یه داوام ائتمک ایسته‌ییریک. خاریجی تیجارت حجمیمیز ۳۶۰ میلیون دلار سویه‌سین‌ده اولسا دا تورکیه‌نین چوخ اؤنملی اوره‌تیچیلرینین تاتاریستان‌دا بؤیوک سرمایه‌لری وار. تورک شیرکتلرینین تاتاریستان‌داکی سرمایه‌لری ۲،۵ میلیارد دلار سویه‌سین‌ده و بو روسیاداکی بوتون تورک سرمایه‌لرینین ۴ده بیری قدردیر" دئیه دانیشدی.
وارانک، قارشی‌لیق‌لی سرمایه‌لری آرتیراراق اقتصادی باغلاری دا قوتله‌ندیرمه آرزوسو ائدرک،
" تاتاریستانین بوراداکی سرمایه‌لری و اؤلکه‌لریمیز آراسین‌دا امضالایاجاغیمیز امکداش‌لیق آنلاشمالارییلا چوخ داها ساغلام و باشاریلی اقتصادی نتیجه‌لر الده ائدجییک" دئدی.
دانیشمالارین آردین‌دان گؤروشمه مطبوعاتا قاپالی داوام ائتدی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
