اردوغان، جاپارووو رسمی تؤره‌نله قارشیلادی
مراسیم‌ده، تاریخ‌ده قورولان ۱۶ تورک دؤولتینی تمثیل ائد‌ن بایراقلار و عسگرلر ده ایشتیراک ائتدی
جمهورباشقانی رجب طیب اردوغان، تورکیه‌یه گلن قیرقیزیستان جمهورباشقانی سادیر جاپارووو باشکند آنکارادا رسمی مراسیمله قارشیلادی.
جاپارووون ایچینده اولدوغو اتومبیلی جمهورباشقانلیغی سارایی اؤنون‌ده‌کی جاده‌ده قارشیلایان آتلیلار، گیریش قاپیسینا قدر ائشلیک ائتدی.
یاغیش آلیندا ائدیلن مراسیم‌ده جمهورباشقانی اردوغان، جاپارووو گیریش قاپیسین‌دا قارشیلادی.
اردوغان و جاپارووون مراسیم ساحه‌سین‌ده‌کی یئرلرینی آلمالارینین آردین‌دان، ایکی اؤلکه ملی مارشلاری چالیندی، ۲۱ پارا توپ آتیشی ائدیلدی.
جاپاروو، تؤره‌ن قروپونو"مرحبا عسگر" دئیه‌رک سلاملادی.
مراسیم‌ده، تاریخ‌ده قورولان ۱۶ تورک دؤولتینی تمثیل ائد‌ن بایراقلار و عسگرلر ده ایشتیراک ائتدی.
داها سونرا بیر-بیرلرینه هئیتلرینی تقدیم ائد‌ن اردوغان و جاپاروو، تورکیه و قیرقیزیستان بایراقلاری قارشی‌سین‌دا ژورنالیستلره پوز وئردی.
مراسیمه، جمهورباشقانی کؤمک‌چی‌سی فواد اوکتای، خاریجی ایشلر باخانی مؤولود چاووش‌اوغلو، خزانه و مالیه باخانی لطفو الوان، کولتور و توریزم باخانی محمد نوری ارسوی و تجارت باخانی محمد موش ایله جمهورباشقانلیغی ایله‌تیشیم باشقانی فخرالدین آلتون و جمهورباشقانلیغی سؤزچوسو ابراهیم قالین دا قاتیلدی.
جاپارووون اوست سویه هئیتینده ایسه قیرقیز باخان و عسگری یئتکیلیلر یئر آلدی
مراسیمین آردین‌دان اردوغان و جاپاروو باش باشا گؤروشمه‌یه گئچدی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
