سلیمان سویلو: "26 ترور حادثه‌سی‌نین قارشی‌سینی آلدیق"

سلیمان سویلو 18 مارس شهیدلری آنما گونو و چاناققالا ظفری‌نین 106-جی ایلدؤنومو موناسیبتیله پایتاخت آنکارادا تشکیل ائدیلن تدبیرده چیخیش ائدیب.

ایچ ایشلر ناظیری سویلو چیخیشیندا: "40 ایلدیر موباریزه ائتدیگیمیز ترور تشکیلاتی پ.کا.کا-نین تاریخی‌نین ان چوخ خاریجی دستک آلدیغی دؤورو یاشاماسینا باخمایا‌راق ائندیردیگیمیز ضربه‌لر نتیجه‌سینده اؤلکه داخیلینده‌کی عضو سایی 300-ا قدر آزالیب".

تسلیم اولان ترورچو سایی‌نین تشکیلاتا قاتیلان‌لارین ساییندان 5 دفعه چوخ اولدوغونو ایفاده ائدن ناظیر سویلو، 2021-جی ایلین ایلک آییندان بری داوام ائدن عملیات‌لار نتیجه‌سینده پ.کا.کا عضوو 121 ترورچونون ضررسیزلشدیریلدیگینی، پلان‌لاش‌دیریلان 26 ترور حادثه‌سی‌نین قارشی‌سی‌نین آلیندیغینی سؤزلرینه علاوه ائدیب.