تورکیه استوایی گینه-یه باش ساغلیغی وئریب

تورکیه استوایی گینه-نین قوزیی-باتی سینداکی باتا شهرینده دؤرد گوجلو پارتلاییش نتیجه‌سینده هلاک اولان‌لارا گؤره بو اؤلکه‌یه باش ساغلیغی وئریب.

خاریجی ایشلر ناظیرلیگی‌نین آچیقلاماسیندا استوایی گینه-نین باتا شهرینده یئرلشن حربی مرکزین سلاح-مهمات انباریندا مارس آیی‌نین 7-ده باش وئرن پارتلاییشدا چوخ سایدا اینسانین هلاک اولدوغونون و یوزلرله اینسانین یارالاندیغی‌نین درین کدرله اؤیرنیلدیگی بیلدیریلیب.

آچیقلامادا "بو فاجعه‌لی حادثه سببیندن استوایی گینه-نین خالقی و حکومتینه باش ساغلیغی، حیاتینی ایتیرن‌لرین عائله‌لری و یاخین‌لارینا باش ساغلیغی و یارا‌لی‌لارا شفا دیلییریک" ایفاده‌سی یئر آلیب.

استوایی گینه-نین ساغلیق ناظیری گوئنا سالود17 نفرین اؤلدوگو، 420 نفرین یارالاندیغی، پارتلاییشین تأثیریله حربی بازایا یاخین ائوین ییخیلدیغی و بیر چوخ اینسانین داغینتی‌لار آلتیندا قالدیغینا دایر معلومات پایلاشمیشدی.