جمهور باشقانی اردوغان اینسان حقوقلاری فعالیت پلانینی صاباح اعلان ائدهجک
پلانین اساس مقصدینین "یئنی و سیویل آنایاسا یاراتماق" اولدوغو بیلدیریلیر.
عدالت ناظیرلیگینین حاضیرلادیغی اینسان حقوقلاری اوزره فعالیت پلانی جمهور باشقانی رجب طیب اردوغان طرفیندن صاباح اعلان ائدیلهجک.
پلانین اساس مقصدینین "یئنی و سیویل آنایاسا یاراتماق" اولدوغو بیلدیریلیر.
سیاسی پارتی لرین لیدرلری ده جمهور باشقانی اردوغان طرفیندن اعلان ائدیلهجک "اینسان حقوقلاری اوزره فعالیت پلانی" پروقرامینا دعوت ائدیلیب.
تورکیه واختی ایله ساعات 13:30-دا باشلایاجاق پروقرام بئش تپه میللت کنگره و مدنیت مرکزینده تقدیم اولوناجاق.
پروقرامدا آیریجا تورکیه بؤیوک میللت مجلیسی صدری مصطفی شنتوپ، عالی محکمه باشچیلاری، کابینه عضولری، غیری-مسلمان جماعت نمایندهلری، بیرلشمیش میللتلر، آوروپا بیرلیگی، آوروپا شوراسی، آوروپا اینسان حقوقلاری محکمهسی تمثیلچیلری، غیری-حکومت تشکیلاتلارینین صدرلری، رئکتورلار، دئکانلار، آکادئمیسینلر، حقوقچولار و ژورنالیستلر ایشتیراک ائدهجکلر.
اینسان حقوقلاری اوزره فعالیت پلانی تورکیه-نین اساس سیاست سندی اولاجاق. پلان قانون وئریجیلیک و ایداری فعالیتلری قانونی اولاراق اؤنگؤروله بیلیرلیک، شفافلیق و حساب وئریله بیلهجک اساسیندا آپاراجاق. ملکیت حاقینا، قازانیلمیش حاقلارا، جینایت و جزانین شخصیلیگینه جدی وورغو ائدیلن پلانلا بو ساحهلرده موختلیف دییشیکلیکلر هدفلنیر.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی