ظریف تورکیهده: تورکیه ایله ایلیشکیلر حیاتی اؤنم داشییر
رسمی سفری چرچیوهسینده تورکیهیه گلن ایران خاریجی ایشلر باخانی ظریف، تورک مقاملار ایله گؤروشمهلردن اؤنجه ا ایران دؤولت تلویزیونونا دانیشدی
ایران خاریجی ایشلر باخانی محمد جواد ظریف، تورکیه ایله اؤلکهسی آراسیندا ایلیشکیلر و بؤلگهسل مسئلهلردهکی امکداشلیغین حیاتی اؤنمی اولدوغونو سؤیلهدی.
رسمی سفری چرچیوهسینده تورکیهیه گلن ایران خاریجی ایشلر باخانی ظریف، تورک مقاملار ایله گؤروشمهلردن اؤنجه ا ایران دؤولت تلویزیونونا دانیشدی.
تورکیه ایله ایلیشکیلره بؤیوک اؤنم وئردیکلرینی ایفاده ائدن ظریف،
"ایلیشکیلریمیز داواملی مصلحتلشمهلر طلب ائدیر، چونکو تورکیه ایله ایکیلی ایلیشکیلر و بؤلگهسل امکداشلیق حیاتی اؤنم داشییر" دئدی.
تورکیهده ترانزیت گئچیش و قافقاز بؤلگهسینده قالیجی بیر باریشین قورولماسی دا داخیل اولماقلا ایکیلی و بؤلگهسل مؤوضوعلاری دانیشاجاقلارینی بیلدیرن ظریف،
"قافقازدا قالیجی باریش اوچون لازیم شرایطین امکداشلیق یولو ایله یارادیلماسی چوخ اؤنملیدیر" دئدی.
قاراباغلا باغلی ۶لی امکداشلیق پلاتفورمو تکلیفلری قونوسوندا ظریف بونلاری سؤیلهدی:
"بو مکانیزم داها اؤنجه سایین (پرزیدنت رجب طیب) اردوغان و بؤلگهدهکی دیگر مقاملار طرفیندن گوندهمه گتیریلدی. بو مؤوضودا گؤروشمهلریم اولدو. دانیشیقلارین نتیجهلرینی تورک مقاملارلا پایلاشاجاغام، چونکو بو اؤزللیکه ترانزیت ساحهسینده امکداشلیق باخیمیندان اؤنملیدیر".