تورکیه بورسلاری باش‌وورولاری باشلادی
تورکیه‌ده تحصیل آلماق ایسته‌ین‌لر اوچون، "تورکیه بورسلاری" پروگرامینین ۲۰۲۱ ایلی باش‌وورولاری باشلادی
یورددیشی تورکلر و قوهوم توپلولوقلار باشقانلیغی‌نین (ی.ت.ب)، دونیانین دؤرد بیر یانین‌دان اولوسلارآراسی اؤیرنجیلره تورکیه‌ده یوکسک اؤیرنیم ایمکانی سونان، "تورکیه بورسلاری" پروگرامینین ۲۰۲۱ ایلی باش‌وورولاری باشلادی.
ی.ت.ب باشقانی عبدالله ارن، یازی‌لی آچیقلاماسیندا، باش‌وورولاری۱۰ ژانویه‌ده باشلایان بورس پروگرامینا بو ایل ده چوخ بؤیوک ایلگی گؤزله‌دیکلرینی ایفاده ائتدی.
"بؤیوک اؤیرنجی پروژه‌سی" اولاراق ۱۹۹۲.جی ایلده باشلادیلان و ۲۰۱۲ده ی.ت.ب‌نین "تورکیه بورسلاری" برندی ایله دونیایا پنجره آچان تورکیه‌نین رسمی اولوسلارآراسی اؤیرنجی بورس پروگرامینا طلبینین هر ایل آرتدیغینا دقت چکن ارن،
"هر ایل آرتان بو ماراق و طلبه قارشیلیق اولاراق بورس ایمکانلاریمیزی آرتیرماغا و گلیشدیرمه‌یه چالیشیریق" دئدی.
ارن، ۲۰ فوریه‌یه قدر دونیانین هر یئرین‌دن باش‌وورو آلماغا داوام ائد‌جکلرینی بیلدیردی.
تورکیه‌ده اوخوماق ایسته‌ین‌لرین، ی.ت.ب و تورکیه بورسلاری سوسیال مئدیا حسابلاری ایله www.turkiyeburslari.gov.tr آدر‌سیندن آیرینتیلارا و باش‌وورو صحیفه‌سینه باخیلابیله‌جگینی بیلدیرن ارن، باش‌وورولارین لیسانس، یوکسک لیسانس و دکترا سویه‌سینده ائییتیم آلماق ایسته‌ینلره آچیق اولدوغونو بیلدیردی.
