اردوغان ارمنستانی اویاردی
"آتیش‌کسی پوزاجاق داورانیشلار ایچینه گیرن ارمنستان گوجلرینه تئزلیکله بو یانلیشدان دؤنمه‌لرینی توصیه ائدیرم"
پرزیدنت رجب طیب اردوغان، (داغ‌لیق قاراباغ‌دا) آتیش‌کسی پوزاجاق داورانیشلار ایچینه گیرن ارمنی گوجلرینه تئزلیکله بو یانلیشدان دؤنمه‌لرینی توصیه ائتدی.
پرزیدنت اردوغان تورکیه ایله روسیا آراسین‌دا قورولاجاق مشترک مرکزده خیدمت ائتمک اوچون آذربایجان‌دا اولان تورکیه عسگرلرینه تلفن واسطه‌سی ایله خطاب ائتدی.
"سیزین اوراداکی وارلیغینیز اؤلکه‌لریمیز آراسین‌داکی ایلیشکینین گلدیگی سویه‌نی گؤسترن شرف نشانه‌سیدیر" دئین اردوغان،
"آتیش‌کسین اویقولانماسینی ایزله‌مک اوچون وظیفه آلان عسگرلریمیزه اوغورلار آرزولاییرام. قورولاجاق مرکزین تئزلیکله فعالیته باشلاماسینی دیله‌ییرم" دئدی.
ارمنی قوه‌لری طرفیندن آذربایجان تورپاقلارینا ائدیلن سالدیریلارا دا توخونان اردوغان:
"آتیش‌کسی پوزاجاق داورانیشلار ایچینه گیرن ارمنستان گوجلرینه تئزلیکله بو یانلیشدان دؤنمه‌لرینی توصیه ائدیرم" ایفاده‌سینی ایشله‌تدی.
