سیاستچیلردن امریکانین تحریم قرارینا رئاکسیا
امریکانین روسیا-دان اس-400 هاوا هوجوموندان مودافیعه سیستملری آلماسی سببیله تورکیه-یه بعضی تحریم قرارلاری تطبیق ائتمه بارهده قرارینا اؤلکه داخیلینده سرت راکسیا وئریلدی.
تورکیه بؤیوک میللت مجلیسینین صدری مصطفی شنتوپ توییتر حسابیندان وئردیگی آچیقلامادا "تحریم لر نه متفیقلیکله ایله نه متفیقی یئنیدن قازانما ایرادهسیله اوست-اوسته دوشور. مودافیعه صنایع سینده تورکیه-نی اؤزونه محکوم ظن ائدن بو آنلاییش زاماندان گئریده قالمیشدیر" ایفادهلریندن ایستیفاده ائدیب.
پرزیدنتین کؤمکچیسی فواد اوختای ایسه، "تورکیه-نین گوجلو موضعینه هر هانسی اؤلکهنین تحریم قراری تأثیر ائده بیلمز" دئییب.
"امریکانین قبول ائتدیگی تحریم قراری، پرزیدنتیمیزین رهبرلیگی آلتیندا میللی ماراقلاریمیز و مودافعه صنایعسی اوچون آتاجاغیمیز آددیملاردا قطعیتیمیزی داها دا آرتیراجاق" دئیه فواد اوختای وورغولاییب.
خاریجی ایشلر ناظیری مولود چاووش اوغلو دا "تحریم قرارینی الیمیزین آرخاسی ایله ایتهلهدیک. میللی مسئلهمیز؛ شرفلی بیر موضعی نوماییش ائتدیریریک" دئییب.
جمهوریت خالق پارتیسینین (ج.ح.پ) قروپ باشچیسینین اوزی ائنگین آلتای "ج.ح.پ اولاراق حکومته دئییریک کی، اونلاری الینیزین آرخاسی ایله ایتهلهین. کیچیک ده اولسا گذشته گئتمیین. تورکیه-نین امریکانین حمایهسینه احتیاجی یوخدور" دئییب.
جمهور باشقانلیغینین سؤزچوسو ابراهیم کالین ایسه "تورکیه، مودافیعه صنایعسینین هدفلرینه چاتماق اوچون آددیملاری ایستابیل بیر شکیلده آتماغا داوام ائدهجک" دئیه پایلاشیم ائدیب.
قئید ائدک کی، امریکا روسیا-دان اس-400 هاوا هوجوموندان مودافیعه سیستملری آلماسی سببیله تورکیه-یه بعضی تحریم قرارلاری تطبیق ائتمه بارهده قرارا گلیب.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"