کالین:"تورکیه-‌یه قارشی تحریم و تهدید دیلی هئچ واخت ایشه یارامایییب"

آوروپا بیرلیگی ذیروه ییغینجاغیندا حاضیرلانان بیانات لاییحه‌سینده تورکیه-‌یه تحریم تطبیق ائدیلمه‌سی‌نین دوشونولدوگو ایفاده‌لریندن ایستیفاده ائدیلمه‌سی اومیدلری بوشا چیخاردی.

بونو جمهور باشقانلیغی‌نین سؤزچوسو ابراهیم کالین مرکز قرارگاهی واشینقتوندا اولان بئیین مرکزی "گرمان مارشال فوند" ون اینترنت واسیطه‌سیله تشکیل ائدیلن "تورکیه-‌نین خاریجی سیاستی" آدلی ایجلاسدا دئییب.

اولوسلار آراسی نیظامین خصوصیله "کووید-19" اپیدمیسی‌نین باش وئرمه‌سیندن سونرا دییشمه‌یه باشلادیغینی، آنجاق تورکیه-‌نین هله ده باتی اتفاقی‌نین بیر حیسه‌سی اولدوغونو وورغولایان ابراهیم کالین "بیزیم هله ده ناتو-نون بیر حیسه‌سی اولماغیمیز، آوروپا بیرلیگینه تام عضوو اولماق و باتی اتفاقی‌نین گوجلو طرفداشی و متفیقی اولا‌راق قالماق ایستمییمیز اورتا دوغو اؤلکه‌لری و یا روسیا ایله یاخشی موناسیبت‌لریمیز اولمایاجاغی معناسی داشیمیر" دئییب.

ابراهیم کالین تورکیه-‌نین تئررورلا موباریزه کیمی مؤوضوع لاردا آتدیغی آددیم‌لارلا یاناشی اینسان شرفی و حیاتی‌نین اونجه لیکلی اولدوغو بیر خاریجی سیاست یوروتدوگونو ده خاطیرلادیب.

کالین آوروپا بیرلیگی ذیروه سینده تورکیه-‌یه تحریم مؤوضوع سونون دا گوندمده اولاجاغی‌نین خاطیرلادیلماسی قارشی‌سیندا دئییب:

"آوروپا بیرلیگی ذیروه‌سی‌نین تورکیه ایله باغلی بیانات لاییحه‌سینی اوخودوم. تورکیه-‌یه تحریم دوشونولدوگو بیر دیل گؤرمک مایوسلوق‌دور. آوروپا‌لی و آوروپا بیرلیگی لیدرلرینین بوندان ایمتینا ائده‌جک‌لرینه اومید ائدیرم. تورکیه-‌یه قارشی تحریم و تهدید دیلی هئچ واخت ایشه یارامایییب. بیز مثبت بیر گوندمه صاحب اولماق ایستییریک. آوروپا بیرلیگی ایله یئنه بیر صحیفه آچماق و آوروپا بیرلیگی عضو‌لوگو پروسه سینده ایره‌لیلمک ایستییریک":

یونانیستان طرفی‌نین آوروپا بیرلیگی ذیروه سینه قدر تورکیه ایله دانیشماق‌دان ایمتینا ائتدیگینه دقت چکن کالین "ائله فیکیرلشیرم کی، یونانیستان بو ذیروه دن تورکیه-‌یه تحریم تطبیق ائدیلمه‌سی قراری‌نین چیخاجاغینا اومید ائدیر. بئله بیر شئی ساده‌جه تورکیه-آوروپا بیرلیگی موناسیبت‌لری اوچون دئییل، تورکیه-یونانیستان موناسیبت‌لری اوچون ضررلی اولار" دئیه وورغولاییب.