تورکیه-ده کووید-19-دان گونده‌لیک اؤلومله باغلی ان یوکسک گؤستریجی قئیده آلینیب
تورکیه-نین ساغلیق ناظیری فخرالدین کوجا آچیقلاماسیندا بئله بیلدیریب.
تورکیه-ده سون گون عرضینده کروناویروس‌دان (کووید-19) 188 نفر اؤلوب. بو، تورکیه-ده کووید-19-دان اؤلن‌لر اوزره ان یوکسک رقم‌دیر.
تورکیه-نین ساغلیق ناظیری فخرالدین کوجا آچیقلاماسیندا بئله بیلدیریب.
ناظیر قئید ائدیب کی، سون 24 ساعاتدا 176 مین 656 نفر کروناویروس تستیندن کئچیب، 6514 خسته‌نین کووید-19 تستی پوزیتیو چیخیب، عمومی‌لیکده ایسه سیمپتوم‌لاری معین ائدیلمه‌ین خسته‌لرله بیرلیکده 31 مین 219 نفر کووید شوبهه‌لی‌سی اولا‌راق قئیدیاتا آلینیب.
آغیر خسته سایی دوننله موقاییسه‌ده 179 نفر آرتا‌راق 5190 اولوب. ناظیر آغیر خسته سایی‌نین سرعتله آرتماسیندان ناراحات‌لیغینی بیر داها ایفاده ائده‌رک، اها‌لییه چاغیریش ائدیب: "داها چوخ قورونماغا، داها سیخ موباریزه تدبیرلرینه احتیاجیمیز وار. تدبیرلره دوزگون عمل ائتمکله موباریزه‌میزه دستک اولون".
قئید ائدک کی، تورکیه-ده ایندییه‌دک 500 مین 865 نفر کووید-19 انفکسیونا یولوخوب، اونلاردان 13 مین 746 نفری اؤلوب.
دیگر طرف‌دن ناظیرلر کابینه ایجلاسیندان سونرا بیانات وئرن جمهور باشقانی رجب طیب اردوغان اپیدمی ایله علاقه‌دار گؤرولن یئنی تدبیرلر حاقیندا معلومات وئریب.
یئنی تدبیرلر چرچیوه‌سینده هفته‌چی هر گون یئرلی واختلا ساعات 21.00-دان سحر ساعات 05.00-دک کوچه‌یه چیخماق قاداغان اولونا‌جاق.
جمهور باشقانی وورغولاییب کی، جمعه گونلری یئرلی واختلا ساعات 21.00-دان بازار ائرته‌سی گونو صاباح ساعات 05.00-دک عمومی‌لیکده کوچه‌یه چیخیلمایا‌جاق.
اردوغان تحصیل، نقلیات و خیدمت سئکتوروندا دا تدبیرلرین گئنیش لندیریلدیگینی دئییب. دؤولت باشچی‌سی گلن آی ساغلیق ایشچی‌لرینه کروناویروس علیهینه واکسن وورولاجاغینی بیلدیریب.
