جمهور باشقانی اردوغان: "دیجیتال‌لشمه یئنی عدالتسیزلیکلره سبب اولمامالیدیر"
جمهور باشقانی رجب طیب اردوغان " پاندمی‌دن سونرا دونیادا اولوسلار آراسی دوزن و دییشن دینامیکلر" مؤوضوعسو ایله بو گون باشلایان و آنلاین قایدادا کئچیریلن "ت.ر.ت ورلد فوروم 2020"یه ویدئومئساژ یولو ایله قاتیلیب.
جمهور باشقانی رجب طیب اردوغان بیلدیریب کی، دیجیتال‌لشمه یئنی عدالتسیزلیکلره و حاق‌سیزلیق‌لارا سبب اولمامالیدیر.
جمهور باشقانی رجب طیب اردوغان " پاندمی‌دن سونرا دونیادا اولوسلار آراسی دوزن و دییشن دینامیکلر" مؤوضوعسو ایله بو گون باشلایان و آنلاین قایدادا کئچیریلن "ت.ر.ت ورلد فوروم 2020"یه ویدئومئساژ یولو ایله قاتیلیب.
حیات‌داکی هر شئی کیمی تکنولوژینین دا اینسانین حیاتینی آسان‌لاش‌دیرماق اوچون اولدوغونو دیله گتیرن اردوغان دئییب: " دیجیتال لشمه یئنی عدالتسیزلیکلره وه حاق‌سیزلیق‌لارا سبب اولمامالیدیر".
رجب طیب اردوغان بیلدیریب کی، دؤولتلرین وطنداش‌لارینی قوروماق اوچون آتدیغی خوش نیت‌لی آدیم‌لار اوزگوزلیکلره موداخیله اولاراق تقدیم ائدیلیر. خوش نیت‌لی سعی لریمیزه کؤنول‌لو شکیلده دستک وئرمه‌سه‌لر ده تورکیه هر شرتده وطنداش‌لاری‌نین حقوق‌لارینی قوروماغا داوام ائدجک.
اولوسلار آراسی مئدیا اورقان‌لاری‌نین آوروپا‌داکی حادثه لری گؤرمزلیکدن گلدیگینی و فرانسانین مئدیانی محاصریه آلماسینی تنقید ائتمه‌دیگینی دیله گتیرن اردوغان قئید ائدیب کی، مئدیا اورقان‌لاری‌نین ایسلاموفوبیا و خاریجی دوشمنلیگینه رهبرلیک ائتمه‌سی حقیقتن اوتانیلاسی حال‌دیر. مئدیا آزادلیغی پرده سی آلتیندا نوماییش ائتدیریلن موضعه دایان دئییلمه‌یه‌جگی تقدیرده بونون آجیسینی آوروپا ایله برابر بوتون بشریت چکه‌جک.
جمهور باشقانی اردوغان همچنین اولوسلار آراسی مئدیانین تم دوزنلشدیگی بو گونلرده "ت.ر.ت ورلد"ون عدالتسیزلیکلره قارشی عدالتین سسی اولدوغونو دئییب.
