ت.ر.ت ورلد 2020 فورومو جمهور باشقانی اردوغانین آچیلیش نطقی ایله باشلایاجاق
جمهور باشقانی رجب طیب اردوغان "ت.ر.ت ورلد فوروم 2020 "نین 1-2 دسامبر تاریخ لرینده "پاندمیدن سونرا دونیادا اولوسلار آراسی دوزن و دییشن دینامیکلر" باشلیغی آلتیندا کئچیریلهجک ایجلاسیندا آچیلیش نطقی ایله چیخیش ائدجک.
جمهور باشقانی رجب طیب اردوغان "ت.ر.ت ورلد فوروم 2020 "نین 1-2 دسامبر تاریخ لرینده "پاندمیدن سونرا دونیادا اولوسلار آراسی دوزن و دییشن دینامیکلر" باشلیغی آلتیندا کئچیریلهجک ایجلاسیندا آچیلیش نطقی ایله چیخیش ائدجک.
دونیانین موختلیف اؤلکه لریندن اولان لیدرلر، متخصص لر، آکادمیسین لر و رسمی لر کروناویروس اپیدمی سیندن سونرا دییشن تارازلیغی ‘‘"ت.ر.ت ورلد فوروم 2020 " ده موذاکیره ائدجک. جمهور باشقانی رجب طیب اردوغان ت.ر.ت طرفیندن 1-2 دسامبر تاریخ لرینده آنلاین قایدادا کئچیریلهجک تدبیرده فخری قوناق قیسمینده ایشتیراک ائدجک.
2017 -جی ایلدن اعتبارا کئچیریلن "ت.ر.ت ورلد فوروم 2020 "ون بوتون ایجلاسلارینا قاتیلاراق تورکیه و دونیا گوندمینی ضبط ائدن مؤوضوع لارلا باغلی بیاناتلار وئرن اردوغانین بو ایل ده اهمیتلی بیاناتلار وئرمهسی گؤزلهنیلیر.
دؤولت رسمیلری "ت.ر.ت ورلد فوروم 2020 "دا بیر آرایا گلهجک.
"ت.ر.ت ورلد فوروم 2020 "ده جمهور باشقانلیغی مطبوعات خیدمتینین رهبری فخرالدین آلتون، جمهور باشقانلیغینین سؤزچوسو ابراهیم کالین، صنایع و تکنولوژی ناظیری مصطفی وارانک و خاریجی ایشلر ناظیری مولود چاووش اوغلو دا ایشتیراک ائدجکلر. جمهور باشقانلیغی مطبوعات خیدمتینین رهبری فخرالدین آلتونون تدبیر چرچیوسینده دونیا گوندمینی ضبط ائدن اهمیتلی مؤوضوع لاری قیمتلندیرمه سی گؤزله نیلیر. فورومدا واجیب مسئله لرین گوندمه گلمهسی نظرده توتولور.
دؤولت رسمیلری "پاندمیدن سونرا دونیادا اولوسلار آراسی دوزن و دییشن دینامیکلر" باشلیغی آلتیندا کئچیریله جک تدبیر چرچیوسینده ایجلاسلارا قاتیلاجاق. ابراهیم کالین "پاندمی دؤورونده چوخ قطب لو دونیا: قلوبال امکداشلیغین گله جگی"، مؤولود چاووش اوغلو "دؤولتلراراسی موناسیبتلرده کووید-19-دان سونرا یئنی دؤور" و مصطفی وارانک " پاندمی دن سونرا دونیادا تکنولوژینین گلهجگی" مؤوضوع سوندا باش توتاجاق ایجلاسلارا قاتیلاراق قلوبال پروبلئملری قیمتلندیرجکلر.
"ت.ر.ت ورلد فوروم 2020 "یه قئید اولماق و تدبیرله باغلی اطرافلی معلومات الده ائتمک اوچون www.trtworldforum.com آدرسینه مراجعت ائده بیلرسینیز.