جمهور باشقانی اردوغان:"تورکیه-نین دستکی سایهسینده ائرمنیستانین ایشغالی سونا چاتیب"
جمهور باشقانی رجب طیب اردوغان عدالت و اینکیشاف پارتیسینین تورکیه بؤیوک میللت مجلیسینده کئچیریلن قروپ ایجلاسیندا چیخیش ائدیب.
جمهور باشقانی رجب طیب اردوغان عدالت و اینکیشاف پارتیسینین تورکیه بؤیوک میللت مجلیسینده کئچیریلن قروپ ایجلاسیندا چیخیش ائدیب.
جمهور باشقانی اردوغان چیخیشیندا وورغولاییب کی، بیزیم هئچ کیمین تورپاغیندا گؤزوموز یوخدور. بیز اؤز میللی تهلوکه سیزلیگیمیزی تامین ائتمهیه چالیشیریق.
سوریه-ده ترور تشکیلاتی داعش ایله موباریزه آپاران یگانه ناتو-یا عضو اؤلکهنین تورکیه اولدوغونو وورغولایان اردوغان تورکینین 9 مینهدک خاریجی ترورچونو ساخلاییب اؤلکه لرینه گؤندردیگینی خاطیرلادیب.
آوروپا بیرلیگینین "ایرینی" عملیاتی چرچیوسینده آغ دنیزینده تورکیه گمیسینده آپاریلان غیری-قانونی آختاریشا دا توخونان اردوغان یونانیستان و گونئی قیبریس روم رهبرلیگینین بوتون پروواکاسیونلارینا باخمایاراق تورکیه-نین دوغو آغ دنیزینده سویوق قانلی داورانماسینا رغمن تورکیه گمیسینه هوجوم ائدیلدیگینی ایفاده ائدرک " بو آددیم اولوسلار آراسی حقوق نورمالارینا ضیددیر" دئییب.
چیخیشیندا داغلیق قاراباغ مسئله سینه ده توخونان جمهور باشقانی اردوغان بیلدیریب کی، اؤلکهمیزین دستکی سایهسینده آذربایجانین قاراباغ اراضیسینده ائرمنیستان ایشغالی سونا چاتیب، دایمی حله یؤنهلن اومیدلر ایلک دفعه آرتیب.داغلیق قاراباغ-دا 30 ایللیک عدالتسیزلیگین سونا چاتماسینا تحفه میز اولدو. تورکیه، آذربایجان و روسیا اولاراق بو پروسه عرضینده بؤلگهیه باریشین برقرار اولماسینین آددیملارینی آتیریق".