جمهوریتیمیزین 97-جی قورولوش ایلی موبارک

بو گون تورکیه جمهوریتی‌نین 97-جی ایلدؤنومودور. جمهوریت بایرامی اؤلکده، خاریجی اؤلکه لردکی دیپلوماتین تمثیلچیلیکلرده و قوزیی قیبریس تورک جمهوریتینده قئید اولونا‌جاق.

پایتاخت آنکارا‌داکی ایلک مراسیم آنیت قبیرده کئچیریله‌جک. جمهور باشقانی رجب طیب اردوغانین رهبرلیگیندکی نوماینده هئیتی آتاتورکون ماوزولئگینه اکلیل قویاجاق.

داها سونرا جمهوریت بایرامی ایله علاقه دار پرزیدنت ایقامتگاهیندا مراسیم تشکیل ائدیله‌جک. جمهور باشقانی اردوغانین بورادا تبریکلری قبول ائتمه‌سی و بئشه تپه-ده "میللی موباریزه سرگیسی"نین آچیلیشیندا ایشتیراک ائتمه‌سی گؤزلنیلیر.

پایتاخت‌داکی بایرام جوشغوسو "جمهوریت بایرامی کورتژی" ایله داوام ائده‌جک. تورکیه بؤیوک میللت مجلیسینده باشلایا‌جاق مراسیم یورویوشو، بیرینجی مجلیسده باشا چاتا‌جاق. یورویوش اولینده اورکستر گوستریسی باش توتاجاق.

29 اوکتبر جمهوریت بایرامی موناسیبتیله پایتاخت آنکارانین بعضی یول‌لاری‌نین نقلیات اوچون باغلی اولاجاغی بیلدیریلیر.

ارتباطات ایدارسی‌نین تشکیلاتچی‌لیغی ایله آنتالیا‌داکی پاتارا آنتیک شهرینده جمهور باشقانلیغی‌نین سیمفونیک اورکستری‌نین بؤیوک جمهوریت کنسرتی کئچیریله‌جک. معلوماتا گؤره، کنسرت یئرلی واختلا ساعات 19.23-ده باشلایا‌جاق.

تدبیرلر چرچیوسینده همچنین 97 دالغیجلا اؤزل سوآلتی ایشیق شووسو نوماییش اولونا‌جاق.