تورکیه آغ دنیزینین دوغوسو ایله علاقه‌دار آچیقلاما وئریب
تورکیه آغ دنیزینین دوغوسونداکی تورکیه-نی و قیبریس تورکونو کناردا قویماغا جهد گؤسترن هر تشببوسون اوغورسوزلوقلا نتیجه‌له‌نه‌جگینی بیلدیردی.
تورکیه آغ دنیزینین دوغوسونداکی تورکیه-نی و قیبریس تورکونو کناردا قویماغا جهد گؤسترن هر تشببوسون اوغورسوزلوقلا نتیجه‌له‌نه‌جگینی بیلدیردی.
خاریجی ایشلر ناظیرلیگی‌نین سؤزچوسو حامی آکسوی فرانسایا مخصوص حربی طیاره‌لرین گونئی قیبریس روم رهبرلیگی طرفینه ائنمه‌سی باره‌دکی سوالا یازیلی جاواب وئره‌رک دئییب:
"فرانسیز حربی طیاره‌لری‌نین گونئی قیبریس روم رهبرلیگینه ائنمه‌سی یونانیستان و ایتالیا ایله بیرلیکده حیاتا کئچیریلن مانور بهانه سیله گونئی قیبریس روم رهبرلیگینده بو طیاره‌لرین موقتی یاخود دا دایمی یئرلشدیریلمه‌سی (قیبریس‌لی تورک و روم خالق‌لارینا برابر سیاسی حاق و ایستاتوس تانییان) 1960 (زوریخ و لندن) موقاویله‌لرینه ضیددیر.
قیبریس آداسی‌نین ضمانتچی‌سی اولمایان فرانسا بو موضعی ایله آغ دنیزینین دوغوسونداکی موجود گرگینلیک‌دن مسئول اولان روم- یونان طرف‌لرینی تهلوکه‌لی شکیلده گرگین‌لیگی داها دا درینلشدیرمه ایستیقامتینده تشویق ائدیر. بیر داها خاطیرلادیریق: دوغو آغ دنیزینده تورکیه و قیبریس تورکونو کناردا بوراخماغا جهد ائدن هر تشببوس اوغورسوز اولا‌جاق".
