حولوصی آکار: "تورکیه یئنی "ناوتکس" اعلان ائتدی"
تورکیه 1-2 سپتامبردا آغ دنیزینین دوغوسوندا آتیش تعلیم لری کئچیریله جگینی یئنی "ناوتکس" (دنیزچیلره اعلان) ایله آچیقلادی.
تورکیه 1-2 سپتامبردا آغ دنیزینین دوغوسوندا آتیش تعلیم لری کئچیریله جگینی یئنی "ناوتکس" (دنیزچیلره اعلان) ایله آچیقلادی.
"آنادولو" خبر آژانسی ادیتور ماساسی ایجلاسیندا یئنی "ناوتکس" حاقیندا آچیقلاما وئرن میللی مودافعه ناظیری حولوصی آکار "اسکندرون بؤلگهسینده حربی دونانمانین آتیش تعلیملری ایله علاقهدار "ناوتکس" اعلان اولوندو" دئییب.
ناظیر آکار دوغو آغ دنیزینده باش وئرن حادثهلرله علاقهدار اولاراق تورکیه-نین هئچ کیمین تورپاغیندا، دنیزینده گؤزو اولمادیغینی بیلدیرهرک، "آنجاق هئچ بیر شرطده قونشولاریمیزین اراضیلریندن، دنیزلریندن بیزه قارشی بیر هوجوما دا ایجازه وئرمهیهجگیمیزی، بونا گؤز یوممایاجاغیمیزی هر کسین بیلمهسینی ایستییریک" دئییب.
آکار فرانسانین مؤوضوع ایله علاقهدار آچیقلامالارینا دا توخوناراق بیلدیریب کی، قوچولوق دؤورو بیتدی، بئله حرکتله بعضی آدیملارین آتیلماسی اوچون تضییق ائتمک شانسیمیز یوخدور. اؤز سرحدلریمیزده قالماق شرطیله حقوقلاریمیزی، حاقلاریمیزی ایستییریک. بیز دانیشماغین طرفداریییق. گلین دانیشاق. دیالوق طرفداریییق، باریش و امین-آمانلیق ایستییریک، عینی زاماندا حقوقلاریمیزی و قانونلاریمیزی ایستییریک. یونان همکارلاریمیز یاخین گونلرده قرار وئررسه، اونلاری بورادا قبول ائتمکدن ممنون اولاریق" دئیه آکار دئییب.
میللی مودافعه ناظیری آکار "اوروچ رئیس" آراشدیرما گمیسی ایله علاقهدار اولاراق "بیز قازما و تدقیقات ایشلری آپاریریق. حقوقلاریمیز، منفعتلریمیز و ماراقلاریمیز چرچیوهسینده دینج بیر شکیلده و اصوللارلا بیزه عایید اولان ساحهده فعالیتلریمیز داوام ائدیر. اقتصادی فعالیتلری باشقا یوللارا ایستیقامتلندیرمهیی سهو حساب ائدیریک. گمیلریمیز اونلاری ایشین تهلوکهسیزلیگی اوچون قورویور. بونون خاریجینده بونا باشقا معنا وئرمک دوزگون دئییل" ایفادهلرینی ایشلهدیب.
حولوصی آکار"تورکیه جمهوریتینین اولوسلار آراسی محیطده حقیقتن بیر اؤزنه حالینا گلدیگینی هر کس بیلمهلیدیر. ترورلا موباریزهنین تحقیرآمیز بیر یاناشما ایله داوام ائتدیریلدیگینی و بو گونه قدر "پنجه" عملیاتلاریندا 320 ترورچو ضررسیزلشدیریلدی. بیز نجیب میللتیمیزی ترور بلاسیندان خلاص ائدجییک. سرحدلریمیزین و خالقیمیزین تهلوکهسیزلیگینی تامین ائدجییک. بو، مقصدیمیزدیر" دئییب.
آکار 24 ژوئیه 2015-جی ایلدن بری 17 مین 200 ترورچونون ضررسیزلشدیریلدیگینی ده آچیقلاییب.
حولوصی آکار سوریه-نین ادلیب شهرینده تورکیه-روسیا بیرگه کئشیک لری بارهده "بو گونه قدر M4 آنا یولوندا 26-جی کئشیک باشا چاتدیردیق. کئشیک خیدمتلری داوام ائدهجک، امکداشلیغیمیز داوام ائدیر" دئییب.
ناظیر آکار ادلیب-ده "آتشکس رژیمینی پوزماق سعیلرینی محو ائتمک اوچون روسیا ایله دایم تماسداییق. اوراداکی ثابتلیگی قوروماق اوچون چالیشیریق" دئیه وورغولاییب.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"