تورکیه خاریجی ایشلر ناظیری ایله امریکانین خاریجی ایشلر ناظیری آراسیندا گؤروش کئچیریلیب
دومینیکان جمهوریتینده رسمی سفرده اولان مولود چاووش اوغلو امریکالی همکاری مایک پمپئو ایله بیر آرایا گلیب.
تورکیه-نین خاریجی ایشلر ناظیری مولود چاووش اوغلو امریکا پرزیدنتلیگینه نامیزد جو بایدننین تورکیه ایله باغلی بیاناتینا دایر دئییب: "بیز بو ایفادلری رد ائدیریک".
دومینیکان جمهوریتینده رسمی سفرده اولان مولود چاووش اوغلو امریکالی همکاری مایک پمپئو ایله بیر آرایا گلیب.
چاووش اوغلو گؤروشله باغلی وئردیگی بیاناتدا پمپئو ایله گوندم ده کی مسئله لر و لبیی-ده کی وضعیتی قیمتلندیردیکلرینی بیلدیریب.
پمپئویا خریطه اوزرینده تورکیه-نین دوغو آغ دنیزیندکی موضعی ایله باغلی معلومات وئرن مولود چاووش اوغلو تورکیه-نین حاقلی داواسینی همکارینا چاتدیردیغینی قئید ائدیب.
"یونانیستان هر زامان قارالاما کامپانیاسی آپاریر. تورکیه-نین حاقسیز اولدوغونو، اولوسلار آراسی حقوقا عمل ائتمهدیگی سؤیلییر. حالبوکی بیز هر شئیی اولوسلار آراسی حقوق نورمالاری چرچیوسینده ائدیریک"،-دئیه مولود چاووش اوغلو وورغولاییب.
چاووش اوغلو بیلدیریب کی، جو بایدن 2014-جو ایلده اورتا دوغودا تورکیه ایله باغلی وئردیگی بیاناتا گؤره پرزیدنت رجب طیب اردوغاندان عذر ایستهمیشدی.
خاریجی ایشلر ناظیری، آرتیق تورکیه-نین چوخ فرقلی بیر تورکیه اولدوغونو و تورک میللتینین بئله دایاتمالاری کؤکدن رد ائتدیگینی قئید ائتدی.
جو بایدن بو ایلین دسامبریندا کئچیریلن بیر توپلانتیدا جمهور باشقانی رجب طیب اردوغانی هدفه آلاراق تورکیه-نین موخالیفت پارتی لرینی دستکلدیگینی دئییب.
قئید ائدک کی، مولود چاووش اوغلو دومینیکان جمهوریتی نین یئنی سئچیلمیش پرزیدنتی لوئیس آبینادور ون آند ایچمه مراسیمینه ده قاتیلیب.