جمهور باشقانی اردوغان خالقی قوربان بایرامی موناسیبتیله تبریک ائتدیب

جمهور باشقانی رجب طیب اردوغان تورکیه-‌نین دوغو آغ دنیزی و اگه-ده کی حاق‌لارینی قوروماق اوچون باشلاتیغی فعالیت‌لرین سونونا قدر داوام ائدجگینی آچیقلاییب.

جمهور باشقانی اردوغان قوربان بایرامی موناسیبتیله یاییملادیغی ویدئودا بایرامین تورک میللتینه، بوتون ایسلام دونیاسینا و بشریته خیر گتیرمه‌سینی ایسته‌ییب.

تورکیه-‌نین یئنی نوع کروناویروس (کووید-19) اپیدمی دؤورونه ساغلیق باشدا اولماقلا بوتون دونیانین تقدیرینی قازانان بیر موفقیتله ایداره ائتدیگینی بیلدیرن جمهور باشقانی اردوغان نورماللاشما پروسه‌سی ایله توریزم خاریجیندکی بوتون سئکتورلاردا حیاتین پاندمی‌دن اوولکی سویه‌یه یاخین‌لاشان ریتمه قوووشدوغونو دیله گتیریب.

اردوغان "تاریخیمیزده "ظفرلر آیی اولا‌راق یئر آلان آوقوستا گیره جگیمیز بو گونلرده اوشاق‌لاریمیز اوچون یئنی ظفرلر میراث قویاجاغیمیزا اومید ائدیرم" دئییب.

"عراق و سوریه-دن لیبی-یه قدر اوزانان گئنیش بیر اراضیده داوام ائدن موباریزه‌میزی اؤزوموز و قارداش‌لاریمیز اوچون ظفرلرله سونوجلاندیرماقدا قرارلییک" ایفاده‌سینی ایشله‌دن جمهور باشقانی اردوغان تورکیه-‌نین اگه و دوغو آغ دنیزینده باشلایان حاق‌لارینی قوروما سعی‌لری‌نین سونونا قدر داوام ائدجگینی وورغولاییب.

اردوغان یئنی‌دن عبادته آچیلان ایاصوفیه مسجیدی نومونه‌سینده اولدوغو کیمی تورکیه-‌نین اگمنلیک حقوق لاریندان‌ ایستیفاده ائتمک‌دن چکینمه‌یه‌جگینی قئید ائدیب.

اردوغان تورکیه-‌نین دونیانین هاراسیندا اولماسیندان آسیلی اولمایا‌راق هانسی اینانجا، میللیتینه، مدنیته صاحیب اولارسا اولسون عدالت‌سیزلیگه، حاقسیزلیغا، ظلمه معروض قالان هر کسین یاییندا یئر آلماغا داوام ائدجگینی بیلدیریب.

قوربان بایرامی‌نین اورک‌لریمیزه حضور، تورکیه-‌یه دینج‌لیک، دونیامیزا باریش گتیرمه‌سینی دیله‌ین جمهور باشقانی  "بایرامینیز موبا‌رک اولسون" دئییب.