تورکیه-دن ایسراییله چاغیریش
تورکیه-نین خاریجی ایشلر ناظیری مولود چاووش اوغلو ایسراییله اوردون چایینین باتی ساحللرینی الحاق پلانینی دایاندیرماغا چاغیردی.
تورکیه-نین خاریجی ایشلر ناظیری مولود چاووش اوغلو ایسراییله اوردون چایینین باتی ساحللرینی الحاق پلانینی دایاندیرماغا چاغیردی.
مولود چاووش اوغلو بمت تهلوکهسیزلیک شوراسینین ایسراییل-فیلسطین پروبلئمی و ایسراییل-ین ایشغالی آلتینداکی اوردون چایینین باتی ساحللرینی الحاق پلانینین موذاکیره ائدیلدیگی ییغینجاغا مکتوب گؤندریب. مکتوبدا تورکیه حکومتینین موضعینی بیلدیریلهرک یازیلیر: "ایسراییل ایشغال آلتینداکی غیری-قانونی یاشاییش مسکنلری ایله اولوسلار آراسی حقوقو پوزور. بو، ایکی دؤولتلی حل، عدالتلی باریشا قارشی ان بؤیوک مانعلردن بیریدیر. یئرلی وطنداشلارا قارشی حدیندن آرتیق و نیسبتسیز گوج تطبیقی، قودسون ایستاتوسونون دییشدیریلمهسی جهدلری، غزه-یه قارشی اینسانلیقدان اوزاق محاصره فیلیسطینلیلرین اساس حاق حاق و آزادلیقلارینا ضرر وئریر.
ایسراییل سون ایللر ایشغال آلتینداکی فیلیسطین تورپاقلاریندا غیری-قانونی یاشاییش مسکنلرینی گئنیشلدیب. اولوسلار آراسی جمعیت ایسراییل-ین بو غیری-قانونی مسکن لرینین داها دا بؤیوتمهسینه مانع تؤرتمک اوچون هر جور سعی گؤسترمک مجبوریتیندهدیر.
دونیا دؤولتلرینین بؤیوک اکثریتی بو پلانا قارشی چیخسا دا، دایم فیلیسطین-ین قانونی حاقلارینین قوروماق وظیفهسینی تورکیه ایجرا ائدیر و اؤلکه خالقینا تام دستک وئرمکده داوام ائدیر.
ایسراییل حکومتینی یئنه غیری-قانونی یاشاییش مسکنلری و غیری-قانونی الحاق پلانلارینی عاجیل دایاندیرماغا چاغیریریق.