تورکیه-‌ده کروناویروس‌دان ساغالان‌لارین سایی 156 مین نفری اؤتوب

تورکیه-‌ده سون 24 ساعات عرضینده داها 21 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده تورکیه-‌نین ساغلیق ناظیری فخرالدین قوجا اؤز توییتر صحیفه‌سینده بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 4 مین 882 نفره چاتیب.

اونون سؤزلرینه گؤره، اؤلکه‌ده 1304 یئنی یولوخما حالی قئیده آلینیب، یولوخان‌لارین عمومی سایی 184 مین 031 نفره چاتیب.

ناظیر علاوه ائدیب کی، اؤلکه‌ده کروناویروس‌دان ساغالان‌لارین عمومی سایی سون گونده 1382 نفر اولماقلا 156 مین  022 نفر تشکیل ائدیر.

سون گون عرضینده کروناویروسلا باغلی 46 مین 800 تست آپاریلیب.