فخرالدین آلتون: "تورکیه-یه قارشی اساسسیز ادعالار موذاکیره اولوندو"
جمهور باشقانلیغی عالی مصلحت هئیتی 1915-جی ایل حادثهلری ایله علاقهدار تورکیه-یه قارشی اساسسیز (دیرناقاراسی سوی قیریم) ادعالارا قارشی آتیلاجاق آددیملاری موذاکیره ائدیب.
جمهور باشقانلیغی عالی مصلحت هئیتی 1915-جی ایل حادثهلری ایله علاقهدار تورکیه-یه قارشی اساسسیز (دیرناقاراسی سوی قیریم) ادعالارا قارشی آتیلاجاق آددیملاری موذاکیره ائدیب.
جمهور باشقانی رجب طیب اردوغانین باشچیلیغی ایله کئچیریلن هئیتین ییغینجاغینا دایر جمهور باشقانیلغینین مطبوعات خیدمتینین رهبری فخرالدین آلتون بیانات وئرهرک دئییب:
"ییغینجاقدا 1915-جی ایلده یاشانان حادثهلر بارهده تورکیه علیهینه اساسسیز ادعالارا قارشی آتیلاجاق آددیملار موذاکیره اولوندو و جمهور باشقانی اردوغان تحریف ائدیلمیش تاریخی حادثهلر واسطهسیله اکیلمهیه چالیشیلان دوشمنچیلیک توخوملارینین حقیقت تورپاقلاریندا جوجرمه ایمکانی تاپا بیلمهیهجگینی دیله گتیردی".
ییغینجاقدا بوتون عثمانلی (امپراطورلوغو) وطنداشلاری اوچون چتینلیک و کدرله کئچن بیر دؤورون موختلیف دایرهلر طرفیندن اورتایا قویولان یالان و افترالارلا سیاسی مقصدلر اوچون ایستیفاده ائدیلمهسینی قاباقلایاجاق سیاستلره توخونولدوغونو بیلدیرن آلتون بییلدیریب:
"ییغینجاقدا تورکیه و میللتیمیزه قارا یاخماق اوچون 1915-جی ایلدکی حادثهلردن واسطه کیمی ایستیفاده ائدن ارمنی لوبیسینین و موضوعدان سیاسی ماراقلار اوچون ایستیفاده ائدن اؤلکهلرین حقیقت اولمایان ادعالارلا آپاردیقلاری تبلیغاتلارین قارشیسینی آلاجاک آددیملار، آیریجا موضوع نون تاریخی و حقوقی آپسکتلرینین میللی و اولوسلار آراسی توپلومدا حقیقتلریله ایضاح اولونماسینا ایمکان یاراداجاق لاییحهلر و فعالیتلری موذاکیره اولوندو".