تورکیه-‌ده داها 18 نفر کروناویروس‌دان دونیاسینی دییشیب

تورکیه-‌ده سون 24 ساعات عرضینده داها 18 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده تورکیه-‌نین ساغلیق ناظیری فخرالدین قوجا بیلدیریب.

ناظیر دئییب کی، کروناویروس‌دان اؤلن‌لرین عمومی سایی 4 مین 648 نفره چاتیب.

اونون سؤزلرینه گؤره، اؤلکه‌ده 930 یئنی یولوخما حالی قئیده آلینیب، یولوخان‌لارین عمومی سایی 168 مین 340 نفره چاتیب.

ناظیر علاوه ائدیب کی، بو گون داها 1622 خسته ساغالا‌راق ائوه بوراخیلیب.