تورکیه-‌ده کروناویروس‌دان اؤلن‌لرین سایی کسکین آزالدی

تورکیه-‌ده سون 24 ساعات عرضینده داها 48 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده اؤز  تویتر صحیفه‌سینده تورکیه-‌نین ساغیلق ناظیری فخرالدین قوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 3 مین 689 نفره چاتیب.

اونون سؤزلرینه گؤره، اؤلکه‌ده 1848 یئنی یولوخما حالی قئیده آلینیب، یولوخان‌لارین عمومی سایی 135 مین 569 نفره چاتیب.

ناظیر علاوه ائدیب کی، اؤتن گون عرضینده ساغالان‌لارین عمومی سایی 86 مین 396 نفر تشکیل ائدیر.