تورکیه-‌ده داها 57 نفر کروناویروسون قوربانی اولوب

تورکیه-‌ده سون 24 ساعات عرضینده داها 57 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده اؤز تویتر صحیفه‌سینده تورکیه-‌نین ساغلیق ناظیری فخرالدین قوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 3 مین 641 نفره چاتیب.

اونون سؤزلرینه گؤره، اؤلکه‌ده1977 یئنی یولوخما حالی قئیده آلینیب، یولوخان‌لارین عمومی سایی 133 مین 721 نفره چاتیب.

ناظیر علاوه ائدیب کی، اؤتن گون عرضینده ساغالان‌لارین عمومی سایی 82 مین 984 نفر تشکیل ائدیر.