تورکیه-‌ده کروناویروسا یولوخان‌لارین سایی 130 مینی اؤتدو

تورکیه-‌ده سون 24 ساعات عرضینده داها 64 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده اؤز تویتر صحیفه‌سینده تورکیه-‌نین ساغلیق ناظیری فخرالدین قوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 3 مین 584 نفره چاتیب.

اونون سؤزلرینه گؤره، اؤلکه‌ده 2 مین 253 یئنی یولوخما حالی قئیده آلینیب، یولوخان‌لارین عمومی سایی 131 مین 744 نفره چاتیب.

ناظیر علاوه ائدیب کی، اؤتن گون عرضینده ساغالان‌لارین عمومی سایی 78 مین 202 نفر تشکیل ائدیر.